1 SIANGPAHRANG 20:13 - Lai (Hakha) Common Language Bible 2006

¹³ Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

1 SIANGPAHRANG 20:13 Խաչաձեւ Հղումներ

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

EZEKIEL 20:22

Sihmanhsehlaw ka chuahpi hna kha a ka hmumi miphun hna mithmuh ah ka min cu thurhhnawmh a si nakhnga lo, ka min hmaizah in ka ṭuan ṭhan.

JOEL 3:17

“Khi tikah Israel, nangmah nih keimah cu Bawipa Pathian ka si kha na hngalh lai i A thiangmi ka tlang Zion i ka um kha na hngalh fawn lai. Jerusalem cu khua thiang a si lai i Ramdangmi nih an tei bal ti lai lo.

EZEKIEL 20:14

Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka ṭuan ṭhan.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

2 SIANGPAHRANG 7:1

Sihmanhsehlaw Elisha nih a thawh i, “Bawipa bia hi thei tuah: hi bangin Bawipa nih, Thaizing atu tik hrawngah hin Samaria khua hauka ah hin changvut dip rel khat cu shekel pakhat ah, cun barli rel hnih cu shekel pakhat ah zuar a si lai, a ti,” tiah a ti.

EXODUS 16:12

“Israel mi hna an phunzainak cu ka theih cang, cucaah, ‘Pa fa hmelpalh ah ei awk sa nan hmuh lai i zinglei ah nan duh zat in rawl nan hmuh lai. Cun Bawipa cu nan Pathian ka si kha nan hngalh lai, a ti,’ tiah chim hna,” a ti.

EXODUS 14:18

Annih cu ka tei hna tikah Izipt mi nih khan Bawipa ka si cu an hngalh lai,” a ti.

EZEKIEL 6:7

thahmi hna kha nan pawng i an rilh liangluang tikah Bawipa ka si kha nan ka hngalh lai.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

2 SIANGPAHRANG 13:23

Sihmanhsehlaw Bawipa cu an cungah vel a ngei i a zaangfah hna i Abraham, Isak le Jakob sin i a biakamnak ruangah khan anmah leiah aa mer i a hrawk hna lo; a hmaika zongin atu tiangin a hlonh hna lo.

2 SAMUEL 10:13

Cucaah Joab le a sin i a ummi hna nih cun i tuk awkah Siria mi cu an hei fuh hna i an hmaiah cun an zam.

1 SIANGPAHRANG 20:14

Cun Ahab nih, “Ahodah a hman lai?” tiah a ti. Anih nih, “Bawipa nih hi bangin, ‘Peng cheumi uktu bawi hna i an sinum hna hi ka hman hna lai,’ a ti,” tiah a ti. Cun anih nih a thawh i, “Ahodah i tuknak cu a thawk lai?” a ti. Cun anih nih, “Nangmah,” tiah a leh.

1 SIANGPAHRANG 20:22

Cu tikah profet kha Israel siangpahrang pawngah khan a ra i amah sinah cun, “Ra tuah, i hrim tuah, cun na tuah hnga ding hi ṭha tein ruat tuah; zeitintiah ṭhal a hung chuah ṭhan tikah Siria siangpahrang nih doh awkah an rathnawh lai,” tiah a ti.

JOSHUA 10:8

Cun Bawipa nih Joshua cu a chawnh i, “Ṭih hna hlah, zeitintiah annih cu na kut chungah kan pek cang hna; anmah lakah na hmaiah a dir khomi pakhat hmanh an um lai lo,” tiah a ti.

1 SIANGPAHRANG 18:39

Cun mah cucu mi vialte nih khan an hmuh tikah an bawk i, “Bawipa hi pei Pathian cu a rak si hi, Bawipa hi pei Pathian cu a rak si hi,” tiah an ti.

2 SIANGPAHRANG 3:18

Mah hi cu Bawipa mithmuh ah cun a fawimi thil a si ko; Moab mi hna zong cu nan kut chungah an pek hna lai,

2 CHANRELNAK 20:15

Cun anih nih a thawh i, “Judah mi vialte le Jerusalem mi hna le Siangpahrang Jehoshafat hna, thei tuah u: Bawipa nih hi bangin nan sinah, ‘Hi mibu nganpi ruangah nan thinphang in nan lung dong hlah u; zeicahtiah hi raldohnak cu nanmah ta a si lo, Pathian i a si.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.