1 SIANGPAHRANG 20:12 - Lai (Hakha) Common Language Bible 2006

¹² Benhadad nih hi bia cu, siangpahrang hna he thlam chung i zu an din lioah khan a theih tikah, a mi hna cu, “Nan umnak hmun tlai u,” tiah a ti hna. Cun annih nih khua cu doh awkah an umnak hmun kha an tlai cio.

1 SIANGPAHRANG 20:12 Խաչաձեւ Հղումներ

1 SIANGPAHRANG 16:9

Sihmanhsehlaw a rangleng hnarcheu haotu Zimri nih a rawi. Tirzah khua i a um lio, a innchungkhar zohkhenhtu a simi Arza inn i ri lakin zu aa din ah khan,

1 SIANGPAHRANG 20:16

Cun Benhadad le a bawmtu siangpahrang sawm thum le pahnih hna cu ri koin thlam chungah zu an din lio chun ah khin, annih cu an va kal.

EFESA 5:18

Zu ri hlah u, zu cu nanmah hrawktu lawnglawng a si ko, Thlarau tu khan khat deuh u.

LUKA 21:34

“I ralring tuah u. Zudin sa-einak le khuasak tintuk harnak lawng kha ruat hlah u, cu ti nan si ahcun cu Ni nih cun ruah lopi ah rap bantukin an foih sual hna lai.

DANIEL 5:30

Cu zan hrimhrim ah cun Khaldi mi hna siangpahrang Belshazzar cu thah a si i Media mi Darius nih pennak kha a lak, Darius cu kum sawm ruk le kum hnih a si.

DANIEL 5:2

A hung ri nawn i cu tikah a pa Nebukhadnezzar nih Jerusalem biakinn in a rak lakmi sui hrai hna le ngun hrai hna kha va la hna u law cu hrai hna cun ka bawi hna le ka nupi hna le ka sinum hna he zu kan ding lai, tiah nawl a pek hna.

JEREMIAH 43:10

Na tuah lio cu Judah mi nih in hmu hna seh law annih cu, ‘Mah hihi Ralkapbu Bawipa, Israel Pathian bia cu a si, tiah chim hna: Babilon siangpahrang Nebukhadnezzar ka sal cu ka cah lai i hika i ka benhmi lung cungah hin a bawiṭhutdan cu a toh lai i an cungah hin a thladem zarhnak cu a samh lai.

2 SAMUEL 13:28

Cun Absalom nih khan a sinum hna cu nawl a pek hna i, “Amnon kha zu nih a lung a lawmhter tikah, i chingchiah u law, ‘Amnon kha tu u,’ kan ti hna tikah that u. Ṭih hlah u, keimah nih nawl kan pek hna a si lo mei? Nan ral ṭha u law nan lung ṭhawng ko u,” tiah a ti.

1 SAMUEL 25:36

Cun Abigail cu Nabal sin kha a phan; cun zohhmanh, a inn ah khan siangpahrang puai bantuk puai pakhat a rak tuah. Cun Nabal cu a rak i lawm cuahmah ko, zeicahtiah a ri ngaingai ko; cucaah zinglei khuaceu hlanah cun zeihmanh a chim lo.