1 SIANGPAHRANG 20:11 - Lai (Hakha) Common Language Bible 2006

¹¹ Cun Israel siangpahrang nih a leh i, “A ralthuam in aa thuammi nih aa phoihmi bantukin tluangkhawn awk a si lo,’ tiah va chim u,” tiah a ti.

1 SIANGPAHRANG 20:11 Խաչաձեւ Հղումներ

PHUNGTHLÛKBIA 27:1

Thaizing kong kha i porhlaw hlah, cu ni nih zei a chuahpi lai kha na hngal lo.

PHUNGCHIMTU 9:11

Vanrang tangah hin thil pakhat ka hngalhmi a um ṭhan hoi: tlik zuamnak ah hin khul a rangmi nih teinak an hmu zungzal lem lo i ralṭhami hi tuknak ah teitu an si zungzal lem lo. Mifim mi hi duhdim in an um zungzal lem lo i mifim mi hi mirum an si bal theng lo. Vanchiatnak hi mi zei cung paoh ah a tlung ko.

MATTHAI 26:75

Peter nih cun Jesuh nih, “Ar a khuan hlanah ‘Amah cu ka hngal lo,’ tiah voi thum na ka ti lai,” tiah a rak chimmi kha a lung ah a hung pem. A chuak i fak piin a ṭap.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

JEREMIAH 9:23

Hi bangin Bawipa nih a ti: “Mifim nih a fimnak kha i porhlaw hlah seh, miṭhawng nih a thazang kha i porhlaw hlah seh, mirum nih a rumnak kha i porhlaw hlah seh;

JEREMIAH 46:17

Izipt ram siangpahrang Faro cu, ‘Thawng lawng Lian, Caan Tlolh Ṭung,’ ti min kha pe u.

2 SIANGPAHRANG 3:21

Moab mi vialte hna nih siangpahrang hna nih kannih kha tuk awkah an kan hunhnawh tiah an theih tikah, ralthuam aa hruk kho vialte, ngakchia bik in upa bik tiang, an kawh hna i ramri ah khan an hun kalpi hna.

JOB 41:8

Amah cu na tlaih sual a si ahcun, nan i sual len ding kha ruat hmanh; Mah cucu na tuah ṭhan duh ti bal ding a si lo.