1 SIANGPAHRANG 2:9 - Lai (Hakha) Common Language Bible 2006

⁹ Cucaah amah cu sual koplo ah rel hlah, zeitintiah nangmah cu a fim mi na si; nangmah nih zeidah a cung i na tuah awk a si kha na hngalh i thlan ah a lu par cu thisen he na kalpi lai,” tiah a ti.

1 SIANGPAHRANG 2:9 Խաչաձեւ Հղումներ

1 SIANGPAHRANG 2:6

Cucaah na fimnak bantukin tuah ko, sihmanhsehlaw dai tein a lu par cu Sheol ah run kalter hlah.

GENESIS 42:38

Asinain Jakob nih, “Ka fapa nih cun an zul kho hna lo; a u a thi cang, amah lawng a tang. Lampi ah a thi sual hnga. Ka cung i nan tlunter sual ding ngaihchiatnak hi ka ing kho lai lo; ka tar tuk cang, a ka thah sual lai,” a ti.

JOB 9:28

Nganfahnak ka in dingmi hi a ṭih in ka ṭih, Zeicahtiah nangmah nih suallo ah na ka rel lai lo, ti kha ka hngalh.

1 SIANGPAHRANG 3:28

Cun Israel mi vialte nih siangpahrang biachahmi kha an theih i siangpahrang cu an khuaruah a har, zeicahtiah biading in biachah khawh awkah Pathian fimnak kha a chungah a um ti an hngalh.

1 SIANGPAHRANG 3:12

zohhmanh, na bia bangin ka tuah lai. Zohhmanh, a fim le thil a thleidang khomi lungthin kan pek, cucaah nangmah bantuk ahohmanh an rak um bal lo i nangmah bantuk hi a chuah zong an chuak bal ti fawn lai lo.

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

EXODUS 22:28

“Pathian cu nan thangchiat lai lo, nan mi hna hruaitu a simi kha chiat nan serh lai lo.

EXODUS 20:7

“Bawipa nan Pathian min cu ningcang loin hmang hlah u, ningcang loin ka min a hmangmi cu dan ka tat hna lai.

2 SAMUEL 16:5

David Siangpahrang cu Bahurim ah a phak tikah, Saul chung a simi innchungkhar chungin mipa pakhat a ra chuak i a min cu Shimei a si, amah cu Gera fapa a si; a chuah pah cun chiat a serh lengmang.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

EXODUS 22:27

zeicahtiah cu lawng cu pei khualumnak ding caah i khuhnak a ngeih cu. Cucu nan lakpiak ahcun zeidah aa vorh ti kun lai? Bawmhnak duh ah a ka auh tikah ka leh lai, zeicahtiah kei cu mi zaangfah hmangmi ka si.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.