1 SIANGPAHRANG 2:37 - Lai (Hakha) Common Language Bible 2006

³⁷ Zeitintiah na chuah i Kidron tivarek na tan ni ah, ka thi hrimhrim lai, ti kha vaa hngalh; na thisen cu nangmah lu cung lila ah a tla lai,” tiah a ti.

1 SIANGPAHRANG 2:37 Խաչաձեւ Հղումներ

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

2 SAMUEL 15:23

Cun mi vialte an lanh cuahmah caah ram vialte cu fak piin a ṭap, siangpahrang nih Kidron tivarek kha a tan i mi vialte cu ramlak leiah khan an lan.

JOSHUA 2:19

Na innka in khuachung lam ah ahohmanh an chuah ahcun a thi cu amah lu cungah a si lai i, kannih cu mawhchiat awk kan si lai lo; sihmanhsehlaw na inn chung i a ummi aho cung hmanh ah kut thlak a si ahcun, a thi cu kan lu cungah a si lai.

JOHAN 18:1

Jesuh nih hi bangin thla a cam dih hnuah a zultu hna he khan Kidron varek ralchan ah khan an kal. Cuka ah cun dum pakhat a um i cu dum chungah cun Jesuh le a zultu hna cu an lut.

EZEKIEL 18:13

a miak le a karh in lei a cawihmi, hi bantuk mi cu a nung lai lo. Hi thil fihnung vialte hi a tuah hna caah a thi lai i a thisen kha a lu cungah a tla ko lai.

2 SIANGPAHRANG 23:6

Cun Bawipa inn chung khan Asherah kha a chuah i Jerusalem khua lengah Kidron tiva ah a kalpi, Kidron tiva ah cun a khangh i dip lak in a den cikcek i a dip cu mi zapi thlan cungah a thlet.

LEVITIKAS 20:9

Zeitintiah a nu siseh, a pa siseh, chiat a serhmi paoh cu thah awk a si lai; a nu siseh, a pa siseh, chiat a serh cang hna, an thisen cu amah cungah a si.

JEREMIAH 31:40

Miruak le hmunhnawm an hlonhnak horkuang kha a ning piin, cun Kidron tiva cung i a ummi lo vialte, nichuahlei, ah Rang Kutka timi tiang kha Bawipa ca i a thiangmi thil an si lai. Khuapi cu ṭheh i hrawh a si ti lai lo,” tiah Bawipa nih a ti.

2 CHANRELNAK 29:16

Tlangbawi hna cu Bawipa inn chungchin thianh awkah khan an lut i Bawipa biakinn chungah thurhhnawmhnak an hmuhmi vialte kha Bawipa inn inntual ah an chuahpi hna i Levi mi hna nih khan an lak i Kidron tivarek ah khan an kalpi.

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

1 SIANGPAHRANG 2:33

Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

1 SIANGPAHRANG 2:31

Siangpahrang nih khan amah cu a leh i, “Amah nih a chim bantuk khan tuah ko, va tu law phum colh law, cuticun keimah cung le ka pa innchungkhar cungin, Joab nih zei ruang lo i a rak chuahmi thisen mawhnak cu ṭhial tuah.

1 SIANGPAHRANG 2:38

Cun Shimei nih siangpahrang sinah cun, “Na chimmi cu a ṭha; siangpahrang ka bawipa nih a chim bangin, cu bantukin na salpa nih ka tuah lai,” tiah a ti. Cucaah Shimei cu Jerusalem ah saupi a um.