1 SIANGPAHRANG 2:33 - Lai (Hakha) Common Language Bible 2006

³³ Cuticun Joab lu cung le a tefa hna lu cungah zungzal in an thisen cu a kir ṭhan lai; sihmanhsehlaw David cung le a tefa hna cung le a innchungkhar cung le a bawi ṭhutdan cungah cun Bawipa sinin a rami daihnak cu zungzal in a um thluangthluan lai,” tiah a ti.

1 SIANGPAHRANG 2:33 Խաչաձեւ Հղումներ

MATTHAI 27:25

Mizapi nih cun an dihlak in, “Hi pa thahnak ruang i dantatnak cu kanmah le kan tefa hna cungah tlung ko seh,” an ti.

1 SIANGPAHRANG 2:32

Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

LUKA 2:14

“A sang bik van ah khin Pathian cu sunparnak hmu ko seh, Cun a dawtmi hna umnak vawlei ah hin remnak um ko seh,” tiah an ti.

PHUNGTHLÛKBIA 25:5

Siangpahrang hmaika in miṭhalo cu ṭhial hna u law a bawiṭhutdan cu dinnak in a fek lai.

SALM 132:12

Na fapale hna nih khan ka biakamnak kha an zulh i nawl ka pekmi hna kha an tuah ahcun, an fapale hna zong cu nangmah hnu zulh in siangpahrang an si zungzal lai.”

SALM 101:8

Ni khat hnu ni khat in miṭhalo cu ka daihter hna lai i Ṭhat lonak a tuahtu vialte cu Bawipa khuapi chungin ka dawi dih hna lai.

SALM 89:29

A tefa pakhat cu siangpahrang a si zungzal lai; a bawiṭhutdan cu van a hmunh chung paoh a hmun ve lai.

2 SIANGPAHRANG 5:27

Cucaah Naaman thinghmui zawtnak nih khan nangmah le na tefa hna cu zungzal in an kaih hna lai,” a ti. Cucaah a sin cun amah cu mithinghmui in a chuak, hawhra bantukin a rang.

LAMKALTU 18:6

Annih nih amah cu an doh i a thang an chiat tikah a puan i leidip kha a thinhnawh hna i, “Nan loh ahcun nanmah mawhchiat awk nan si ko cang lai. Kei cu mawhchiat awk ka si ti lai lo. Atu thawk hin cun Jentail mi sinah ka kal cang lai,” tiah a ti hna.

2 SAMUEL 14:9

Cun Tekoa minu nih khan siangpahrang sinah cun, “Mawhchiatnak cu keimah le ka pa innchungkhar cungah si ko seh, siangpahrang ka bawipa; siangpahrang le a bawi ṭhutdan cu mawh phor hna hlah seh,” tiah a ti.

GENESIS 42:22

Reuben nih khan, “Ngakchiapa kha harnak pe hlah u kan ti hna i nan rak ngai duh lo cu ta. Atu cu amah thih ruangah khan hi ton kan tong,” a ti hna.

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

BIACEIHTU 9:24

mah cucu, Jerubbaal fapa sawm sarih hna cung i sumṭhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a ṭhawntertu hna Shekhem khuami cungah khan, chiah a si nakhnga caah a si.

1 SIANGPAHRANG 2:44

Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

1 SIANGPAHRANG 8:32

khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

1 CHANRELNAK 17:27

cucaah na sal innchungkhar hi nangmah hmaiah zungzal in a hmunh nakhnga, thluachuahnak pe ko sawh; zeitintiah maw Bawipa, nangmah nih thluachuah na pek cangmi cu zungzal in thluachuakmi a si ko,” tiah a ti.

SALM 21:4

Nunnak an hal i na pek, nun sau le chan sau na pek.

EZEKIEL 17:19

Cucaah hihi Bawipa Pathian bia cu a si. A thawh i, “Ka nun bangin ka chim, keimah min chalh in chiat a sermi kha zei ah a rel lo i aa let caah dan ka tat lai.