1 SIANGPAHRANG 2:32 - Lai (Hakha) Common Language Bible 2006

³² Ka pa David hngalh loin amah nakin a ṭha deuhmi le a ding deuhmi pahnih, Ner fapa Abner, Israel mi ralkapbu haotu le Jether fapa Amasa, Judah mi ralkapbu haotu kha vainam in a tuk hna i a thah hna caah thisen chuah in a tuahmi thil hna cu Bawipa nih amah lu cung lila ah a kirter ṭhan lai.

1 SIANGPAHRANG 2:32 Խաչաձեւ Հղումներ

BIACEIHTU 9:24

mah cucu, Jerubbaal fapa sawm sarih hna cung i sumṭhen loin an tuahnak kha a tlun i, an thi cu anmah a thattu hna an unaupa Abimelek le a unau hna thah awkah a kut a ṭhawntertu hna Shekhem khuami cungah khan, chiah a si nakhnga caah a si.

SALM 7:16

Cuticun amah ṭhat lonak lila nih khan harnak a pek i amah puarhrannak lila nih khan fahnak a pek.

2 CHANRELNAK 21:13

sihmanhsehlaw Israel siangpahrang hna lam kha na zulh hna i Ahab innchungkhar nih Israel mi an pialter hna bang khan nangmah nih Judah ram mi hna le Jerusalem mi hna kha na pialter hna i nangmah nakin a ṭha deuhmi na unau hna, na pa innchungkhar mi a simi hna kha na thah hna caah,

BIACEIHTU 9:57

cun Shekhem khuami hna an ṭhat lonak zong kha Pathian nih anmah lu cung lila ah a tlakter i Jerubbaal fapa Jotham chiatserhnak kha an cungah a tlung.

1 SIANGPAHRANG 2:5

“Cuhleiah Zeruiah fapa Joab nih zeidah ka cungah a tuah kha na hngalh fawn: amah nih Israel mi ralkapbu haotu pahnih, Ner fapa Abner le Jether fapa Amasa a nawnmi hna cung i a tuahmi kha; ral lio i rak chuahmi thisen kha daihnak caan ah phu lei a cham hna i ka tai i taisawm le ka ke i kedan ah a sual lomi thisen kha a neh hna.

ESTHER 1:19

Siangpahrang nih na duhnak a si ahcun, Vashti hi siangpahrang hmaiah chuak ti hlah seh, tiin, nangmah sinin siangpahrang nawlbia pakhat chuahter law, thlen ṭhan a si nakhnga lo Persia le Media nawlbia hna chungah ṭial si ve seh; cun siangpahrangnu sinak cu amah nakin a ṭha deuhmi sinah siangpahrang nih pe ko seh,

1 SIANGPAHRANG 2:44

Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

2 SAMUEL 17:25

Cun Absalom nih Joab hmun ah khan Amasa kha ralkapbu haotu ah a chiah. Amasa cu Ishmael mi a min Ithra a simi fapa a si; Ithra nih cun Abigail kha a ṭhit; Abigail cu Joab nu Zeruiah i a unau Nahash fanu kha a si.

2 SAMUEL 4:11

Miding mi amah innte i a ummi, a ihkhun cung i a thattu miṭhalo hna chinchin cu, zeitluk tein dik nanmah kut ah a thisen man cu kan cawh hna lai i vawlei cungin kan hloh chinchin hna lai?” tiah a ti.

2 SAMUEL 3:37

Cucaah mi vialte le Israel mi vialte nih, Ner fapa Abner thah kha siangpahrang duhnak cu a rak si lo ti kha khi ni ah khan an hngalh.

1 SAMUEL 15:28

Cun Samuel nih amah cu, “Bawipa nih Israel pennak cu nangmah sinin nihin ah hin a thleh cang i nangmah nakin a ṭha deuhmi na innpa sinah khan a pek cang.

GENESIS 4:11

Nangmah cu chiatserh na si cang i hi hmun hin ṭhawl na si lai. Hi hmun vawlei hi na nau thisen na chuahmi dolh awkah a kaa a rak angmi kha a si.

GENESIS 9:6

Minung cu Pathian mui keng in sermi a si caah, minung a thatmi cu, a minung hawi nih an thah ve lai.

GENESIS 42:22

Reuben nih khan, “Ngakchiapa kha harnak pe hlah u kan ti hna i nan rak ngai duh lo cu ta. Atu cu amah thih ruangah khan hi ton kan tong,” a ti hna.

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

2 CHANRELNAK 21:14

zohhmanh, na mi hna le na fale hna le na nupi hna le na ngeihmi vialte cungah Bawipa nih rai nganpi a tlunter lai i

NAMBAR 32:23

Sihmanhsehlaw cu bangin nan tuah lo ahcun, zohhmanh, Bawipa cungah nan sual cang; nan sualnak nih an langh hna lai kha vaa hngalh ko u.

2 SAMUEL 3:29

Dantatnak Joab lu cung le a pa innchungkhar vialte cungah tla ko seh; cun Joab chung hna lakah hin thil chuak a ngeimi siseh, thinghmui zawtnak a ngeimi siseh, lathlur a tlaimi siseh, vainam nih a thahmi siseh, rawl a pammi siseh, ṭhing bal hna hlah seh!” tiah a ti.

1 SIANGPAHRANG 8:32

khi tikah nang nih van in run thei law, run ṭuan law, na salle cu bia run khiak ko hna, a mawhtu cu amah lu lila ah a ziaza kha tlunter in sual run phaw law, a dingmi cu a dinnak ning khan pek awkah thiam run coter ko.

SALM 7:17

Bawipa cu dinnak a tuahmi ruangah ka lawmh lai, Cung Nung Bik Bawipa cu hla in ka thangṭhat lai.

EZEKIEL 17:19

Cucaah hihi Bawipa Pathian bia cu a si. A thawh i, “Ka nun bangin ka chim, keimah min chalh in chiat a sermi kha zei ah a rel lo i aa let caah dan ka tat lai.