1 SIANGPAHRANG 2:12 - Lai (Hakha) Common Language Bible 2006

¹² Cucaah Solomon cu a pa David bawi ṭhutdan ah a ṭhu i a pennak cu fek tein a hmunhter.

1 SIANGPAHRANG 2:12 Խաչաձեւ Հղումներ

2 CHANRELNAK 1:1

David fapa Solomon cu a ram chungah khan fek tein a um i Bawipa a Pathian cu a sinah khan a um i fak piin a nganter.

SALM 132:12

Na fapale hna nih khan ka biakamnak kha an zulh i nawl ka pekmi hna kha an tuah ahcun, an fapale hna zong cu nangmah hnu zulh in siangpahrang an si zungzal lai.”

1 SIANGPAHRANG 1:46

Solomon cu siangpahrang bawi ṭhutdan ah a ṭhu.

2 SAMUEL 7:29

cucaah atu cu na salpa innchungkhar hi na hmaiah zungzal in a um nakhnga, thluachuahnak ka pekpiak ko sawh; zeitintiah maw Bawipa Pathian, nangmah nih na chim cang i na salpa innchungkhar cu nangmah thluachuahnak in thluachuah pek si zungzal ko seh,” tiah a ti.

1 SIANGPAHRANG 2:46

Cun siangpahrang nih Jehoiada fapa Benaiah cu nawl a pek i a va kal i a tuk i a thi. Cucaah pennak cu Solomon kut chungah fehter a si.

1 CHANRELNAK 23:1

Cun David cu a upa i a tar ngaingai tikah a fapa Solomon cu Israel mi siangpahrang ah a ser.

1 SIANGPAHRANG 1:13

David Siangpahrang sinah cun khulrang in va kal law amah cu, ‘Siangpahrang ka bawipa, nangmah nih na salnu ka sinah, “Keimah hnuah Solomon na fapa hi a rung bawi lai i ka bawi ṭhutdan cungah hin a ṭhu lai,” tiin chiat na ser lo maw? Zeicahdah Adonijah hi siangpahrang a si kun?’ tiah va ti.

1 SIANGPAHRANG 1:30

Bawipa, Israel Pathian min chalh in na sinah chiat ka ser i, ‘Ka hnuah na fapa Solomon cu a rung bawi lai i keimah hmun ah amah cu ka bawi ṭhutdan cungah a ṭhu lai,’ tiin ka ti bantuk khan, cu bantuk ṭhiamṭhiam cun nihin zongah hin ka tuah lai,” tiah a ti.

1 SIANGPAHRANG 1:35

Cun nannih nih nan hun zulh lai i a ra lai i ka bawi ṭhutdan ah a ṭhu lai; zeitintiah amah cu keimah hmun ah siangpahrang a si lai; cun amah cu Israel le Judah cung i uktu si awkah rian ka pek cang,” tiah a ti.