1 SIANGPAHRANG 19:8 - Lai (Hakha) Common Language Bible 2006

⁸ Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

1 SIANGPAHRANG 19:8 Խաչաձեւ Հղումներ

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

MATTHAI 4:2

Ni sawm li le zan sawm li rawl loin a um hnuah Jesuh cu a rawl a ṭam ngaingai.

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

EXODUS 3:1

Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

2 KORIN 12:9

A ka lehnak cu, “Ka vel hi na caah a za ko, zeicahtiah ka ṭhawnnak cu derthawmnak ah hin a lang,” ti a si. Cucaah cun Khrih ṭhawnnak nih a ka huhphenh ti kha ka hngalh nakhnga, ka derthawmnak ah hin lunglawm tein kaa porhlaw cang.

LUKA 4:2

Khika ah Khuachia nih ni sawm li chung a rak tukforh. Cu chung vialte cu rawl a ei lo caah cu caan a dih tikah a rawl a ṭam ngaingai.

MARKA 1:13

khika ah ni sawm li a va um i Satan nih khan a rak tukforh. Cuka ah cun saram zong kha an rak um ve, sihmanhsehlaw vancungmi kha an ra i an rung hramh.

DANIEL 1:15

Ni hra donghnak ah cun siangpahrang nih a pekmi hna rawl in aa cenhmi tlangval vialte hna nakkhan an titsa cu a ṭha deuh i an tlornal deuh.

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

EXODUS 4:27

Bawipa nih Aaron cu a thawh i, “Moses ton awkah thetse ram ah khan va kal tuah,” tiah a ti. Amah ton awkah cun Pathian tlang ah khan a va kal i a ton tikah a hnamh.

1 SIANGPAHRANG 19:7

Cun Bawipa vancungmi cu a voi hnihnak a ra ṭhan i a tawngh i, “Tho law ei tuah, na khual tlawnnak lam cu na celh sual lai lo,” tiah a ti.

1 SIANGPAHRANG 17:6

Cun langak nih zinglei ah rawl le sa, zanlei ah rawl le sa an chanh lengmang i tivate ti cu a din.