1 SIANGPAHRANG 19:5 - Lai (Hakha) Common Language Bible 2006

⁵ Cun a it i hmunphiah thingkung pakhat tangah aa hngilh; cun zohhmanh, vancungmi nih a tawngh i, “Tho law ei tuah,” tiah a ti.

1 SIANGPAHRANG 19:5 Խաչաձեւ Հղումներ

HEBRU 13:5

Tangka hi duh tuk hlah u, nan ngeihmi ah khan nan lung awi ko u. Zeicahtiah Pathian nih, “Kan kaltak bal hna lai lo i kan hlaw bal fawn hna lai lo,” a ti.

HEBRU 1:14

A si ahcun vancungmi cu ahodah an si kun? Vancungmi cu Pathian rian a ṭuantu thlarau, khamhnak a hmu hngami bawmh awkah Pathian nih a thlahmi kha an si.

LAMKALTU 12:7

Chikkhatte ah khin Bawipa vancungmi pakhat kha khika ah cun a hung dir i thonginn chung cu a ceu. Vancungmi nih cun Peter cu a liang in a hninh i a ṭhangh, “Khulrang in tho tuah!” tiah a ti. Hmakhatte ah Peter kut cun thirhri cu an tla.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

DANIEL 8:19

Cun a ka thawh i, “Pathian thinhunnak nih zeidah a chuahter lai ti kha kan hmuhsak lai; langhnak na hmuhmi nih hin a sawhmi cu donghnak caan kha a si.

SALM 34:10

Chiandeih hmanh hi rawl hmu loin an um tawn i rawlṭam in an vak tawn, sihmanhsehlaw Bawipa nawl a zulmi cu zeihmanh an baumi a um bal lo.

SALM 34:7

Bawipa a ṭihmi cu a vancungmi nih khan an zoh hna i ṭihnak chungin an luatter hna.

1 SIANGPAHRANG 19:4

Sihmanhsehlaw amah tu cu ramlak ah ni khat lamkal a kal i hmunphiah thingkung tangah a ra i a ṭhu; cun a thih nakhnga a hal i, “A za cang; atu cu maw Bawipa, ka nunnak kha la ko; zeitintiah ka pupa hna nakin ka ṭha hlei ṭung lo,” tiah a ti.

1 SIANGPAHRANG 19:6

Cun khua a hun zoh i, zohhmanh, a lu leiah lung lin in rawhmi changreu hlum hlum khat le ti thawl khat a hmuh. Cun a ei a din i a it ṭhan.

ZEKHARIAH 4:1

Bia a ka ruahtu vancungmi kha a ra kir ṭhan i i hngilhnak i vun hlauh bantuk khin a ka hlauh.