1 SIANGPAHRANG 19:13 - Lai (Hakha) Common Language Bible 2006

¹³ Cun Elijah nih a theih tikah a puan in a hmai kha aa huh i a va chuak i lungkua luhnak ah cun a dir. Cun zohhmanh, aw pakhat kha a sinah a ra i, “Elijah, hika ah hin zeidah na tuah?” tiah a ti.

1 SIANGPAHRANG 19:13 Խաչաձեւ Հղումներ

1 SIANGPAHRANG 19:9

Cun khika ah lungkua pakhat ah a phan i a riak; cun zohhmanh, Bawipa bia cu a sinah a ra i amah cu, “Elijah, hika ah hin zeidah na tuah?” tiah a ti.

ISAIAH 6:5

Cun kei nih kaa thawh i, “E law, mah hi ka si ko cang! Ka lo ko cang. Ka ka in a chuakmi bia hi bia sual lawngte an si i ka umnak mi zong hi bia sual le bia thur a hmangmi lawngte an si. Cun atu ah ka mit hrimhrim in Siangpahrang, Ralkapbu Bawipa cu ka hmuh,” ka ti.

ISAIAH 6:2

A velchum ah cun mei bantuk a simi thilnung kha an dir i thla paruk cio an ngei. Cu thilnung hna nih cun an hmai kha an thla pahnih cun an i huh cio, an pum kha a dang pahnih in an i huh i a dang pahnih cu zuannak ah an hman hna.

1 SIANGPAHRANG 18:42

Cucaah ei awk le din awkah Ahab cu a hung kal. Cun Elijah cu Karmel Tlang par ah a kal i vawlei ah a kun i a hmai cu a khuk le a khuk karlak ah a chiah.

EXODUS 33:23

Cun ka kut kha ka lak lai i ka keng kha na hmuh lai, ka hmai cu na hmu kho lai lo,” a ti.

GENESIS 16:8

“Sarai salnu Hagar, khuazei in dah na rat i khuazei ah dah na kal lai?” a ti. Hagar nih cun, “Sarai sinin ka zaam,” tiah a leh.

HEBRU 11:37

Lung in an cheh hna, hluah in cheu hnih ah an chuah hna, vainam in an thah hna. Tuu phaw le meheh phaw i aih in an vak hniapmap i hremnak le serhsatnak kha an ing.

2 SIANGPAHRANG 2:8

Cun Elijah nih a puan kha aa lak i a zual i ti kha a tuk i an pahnih in lei ro cungin an va kai hlan tiang, ti cu khattelei kam le khattelei kamah an i ṭhen.

JONAH 4:5

Cun Jonah cu khuapi chung cun a chuak i nichuahlei ah a kal i a ṭhu. Khika ah khan nidem aa thlamh i a ṭhu i khua chungah cun zeidah a tlung lai ti kha a hngak.