1 SIANGPAHRANG 19:12 - Lai (Hakha) Common Language Bible 2006

¹² lihnin a dih cun mei a hung chuak, sihmanhsehlaw Bawipa cu mei chung zongah cun a um lo; cun mei a dih cun aw ṭhia aw dinte a hung chuak.

1 SIANGPAHRANG 19:12 Խաչաձեւ Հղումներ

JOB 4:16

Mui thluamthlam cu khika ah a dir ko, sihmanhsehlaw a mui kha ka hliah kho lo; Thil pakhat ka hmaiah a hung lang i Thawng pakhat, a aw a kua ngaimi cu ka theih:

ZEKHARIAH 4:6

Vancungmi nih cun Zerubbabel kha hi bia Bawipa sinin a rami hi va chimh awk a ka fial: Na tei ko lai, sihmanhsehlaw ralkap ṭhawnnak in a si lai lo, nangmah ṭhawnnak zongin a si lai lo, ka thlarau tu in a si lai.

DEUTERONOMI 4:33

Miphun aho tal nih, nannih nih nan rak theih bang khan, pathian aw cu mei lakin an thei in an nung bal dik maw?

JOB 33:7

Na ka ṭihnak nih na thin an phanter awk a herh lai lo, Ka kut nih an nenhnak zong na cung i a rih awk a herh lai lo.

EXODUS 34:6

Bawipa cu a hmaika cun a lan i, “Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si.

EXODUS 3:2

Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang ṭung lo.

GENESIS 15:17

Cun ni a tlak i khua a muih tikah a khumi mei um pakhat le a alhmi mei tom pakhat kha an hung chuak i sa a chiahmi hna karlak ah khan an kal.

HEBRU 12:29

Kannih kan Pathian cu mi kangh a hmangmi mei a si caah upatnak le ṭihnak in amah duhning tein bia u sih law amah cungah cun i lawm u sih.

LAMKALTU 2:2

Chikkhatte ah khin van in aw pakhat a rung i a thawng cu thlitu fak piin a hrangmi thawng bantuk a si i an ṭhutnak inn kha a khat dih.

2 SIANGPAHRANG 2:11

Cun an kal lengmang i bia an i ruah lio lengmang ah cun, zohhmanh, mei rangleng pakhat le mei rang hna nih annih pahnih cu an ṭhen hna. Cun Elijah cu phuchim in vancung ah a kai.

2 SIANGPAHRANG 1:10

Sihmanhsehlaw sawm nga haotu cu Elijah nih a leh i, “Keimah cu Pathian mi ka si a si ahcun, vancung khin mei rung tla seh law nangmah le na sawm nga kha in kangh dih hna seh,” tiah a ti. Cun mei cu vancung in a rung tla i amah le a sawm nga hna cu a kangh hna.

1 SIANGPAHRANG 18:38

Cun Bawipa mei cu a rung tla ciammam i khangh thawinak le a thing le lung le leidip kha a kangh dih hirhiar hna i kahcham chung i a ummi ti kha a liah dih.

DEUTERONOMI 4:15

“Cucaah ṭha tein i ralring tuah u. Bawipa nih Horeb ah mei chungin an chawnh hna ni ah khan a mui zeihmanh nan hmuh lo caah,