1 SIANGPAHRANG 19:10 - Lai (Hakha) Common Language Bible 2006

¹⁰ Anih nih, “Bawipa, ralkapbu Pathian cu ka ṭanh hringhran ko, zeitintiah Israel mi hna nih na biakamnak kha an hlawt i na biakṭheng kha an chimh hna i na profet hna kha vainam in an thah hna i keimah, keimah lawnglawng hi ka tang; cun keimah zong cu thah awkah an ka kawl,” tiah a ti.

1 SIANGPAHRANG 19:10 Խաչաձեւ Հղումներ

1 SIANGPAHRANG 18:4

Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).

1 SIANGPAHRANG 18:22

Cun Elijah nih mizapi cu a thawh hna i, “Keimah, keimah lawnglawng hi Bawipa profet a tangmi ka si; sihmanhsehlaw Baal profet cu za li le sawm nga an si.

EXODUS 34:14

“Nannih nih pathian dang zeihmanh nan bia hna lai lo, zeicahtiah Bawipa cu ka min ah “Nahchuak” ka si i Pathian nahchuak ka si.

EXODUS 20:5

Zei bantuk siasal hmanh an si ah an hmaiah nan kun lai lo i nan bia hna lai lo, zeicahtiah keimah hi Bawipa nan Pathian cu ka si i nahchuah a ngeimi Pathian ka si. A ka huatu cungah cun chan thum chan li tiangin an tefa hna cungah khan dantatnak ka tlunter.

1 SIANGPAHRANG 18:30

Cun Elijah nih mi vialte cu a thawh hna i, “Ra ka naih tuah u,” a ti hna i mi vialte nih cun an naih. Cun anih nih an hrawh cangmi Bawipa biakṭheng kha a remh;

NAMBAR 25:13

mah cucu amah ca le a hnu i a tefa hna caah dong lo tlangbawi sinak biakamnak a si lai, zeicahtiah a Pathian kha a ṭanh i Israel mi caah remnak a ser,’ tiah va chim tuah,” tiah a ti.

NAMBAR 25:11

“Tlangbawi Aaron fapa Eleazar i fapa Phinehas nih Israel mi sinin ka thinhunnak cu a mer cang, zeitintiah annih cu keimah nih ka ṭanh hna bangin a ṭanh ve hna, cucaah ka nahchuahnak nih Israel mi cu a that dih hna lo.

JOHAN 2:17

Cathiang nih, “Maw Pathian, na inn ka tlaihchannak hi ka chungah mei bangin a lin,” tiah a timi kha a zultu hna cu an lung ah a hung pem.

MIKAH 7:2

Ram chungah lihchim lomi miding pakhat hmanh an tang ti lo, Pathian sin i zumhawktlak in a ummi pakhat hmanh an um ti lo. An dihlak in an thi dih ai. Zeitik ah dah lainawnnak caan ṭha ka hmuh lai ti lawng kha an bawh cio ko, Sakaptupa nih a rap chungah foih awkah sa a hot hna bantukin, u le nau kha pakhat le pakhat i foih awkah an i hot.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

HOSEA 5:11

Israel cu harnak chungah a um cang. A bawm kho ṭung lomi kha bawmh hal awkah a fuh lengmang hna caah, Amah ta a si hrimhrim komi ram kha a sung cang.

JEREMIAH 2:30

Nan fale ka velh hna cu pakpalawng men a si, an i remh hlei lo; Chiandeih hrang bantukin nanmah vainam nih nan profet kha a ei hna.

SALM 119:139

Ka ral nih na nawlbia cu zei ah an rel hna lo caah ka thin cu meialh in a alh.

SALM 69:9

Na biakinn ka ṭanhnak hi ka chungah mei bantukin a alh i nangmah an in nihsawhnak kha keimah cungah a tla.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

1 SIANGPAHRANG 19:14

Anih nih, “Bawipa, ralkapbu Pathian, nangmah, nangmah lawnglawng hi kan ṭanh zungzal; Israel mi tu nih cun nangmah he an biakam kha an hrawh i na biakṭheng kha an hrawh hna i na profet kha an thah hna. Keimah lawnglawng hi ka tang i keimah zong cu thah an ka zalh lengmang,” a ti.

1 SIANGPAHRANG 19:2

Cun Jezebel nih Elijah sinah cun lamkal pakhat a hei thlah i, “Na nunnak cu annih lak i pakhat nunnak bantuk ah khan thaizing atu tik caan i ka ser lo ahcun, cu bantukin le cu nak tam deuh zongin pathian hna nih cun ka cungah tuah ko hna seh,” tiah a ti.

1 SIANGPAHRANG 18:20

Cucaah Ahab nih Israel mi vialte cu bia a cah hna i profet hna cu hmunkhat ah Karmel Tlang ah a pumh hna.

1 SIANGPAHRANG 18:17

Ahab nih Elijah cu a hmuh tikah, “Nangmah na si maw? Israel hnahnawhnak petupa?” tiah a ti.

1 SIANGPAHRANG 18:10

Bawipa, na Pathian a nun bangin, ka bawipa nih hin nangmah kawl ah mi a thlah lonak ram le miphun a um ti lo; cun annih nih, ‘Hika ah a um lo,’ tiah an rak ti tikah, cu ram cu siseh, cu miphun cu siseh, kan hmu lo tiin, chiat a serter hna.

1 SIANGPAHRANG 20:35

Cun profet fapa hna lak i pakhat nih khan a hawipa pakhat cu, “Ka tu tuah, tiah kan nawl,” tiah Bawipa nawl peknak thawngin a ti. Sihmanhsehlaw mipa nih tuk cu a al.

1 SIANGPAHRANG 20:22

Cu tikah profet kha Israel siangpahrang pawngah khan a ra i amah sinah cun, “Ra tuah, i hrim tuah, cun na tuah hnga ding hi ṭha tein ruat tuah; zeitintiah ṭhal a hung chuah ṭhan tikah Siria siangpahrang nih doh awkah an rathnawh lai,” tiah a ti.

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

HEBRU 11:37

Lung in an cheh hna, hluah in cheu hnih ah an chuah hna, vainam in an thah hna. Tuu phaw le meheh phaw i aih in an vak hniapmap i hremnak le serhsatnak kha an ing.

DEUTERONOMI 31:16

Cun Bawipa nih Moses sinah, “Zohhmanh, na pupa hna sinah na it dengmang cang; khi tikah hi mi hna hi an tho lai i, an va umnak dingmi hna lakah cun cu ram pathian hna sinah cun hlawh an hlang lai i, an ka hlawt lai i, anmah he ka biakamnak ka sermi kha an buar lai.

2 SIANGPAHRANG 10:16

Cun anih nih, “Ka sinah ra law, Bawipa ca i ka ṭanning hi ra zoh tuah,” tiah a ti. Cucaah a rangleng ah khan a citter.

JEREMIAH 36:26

Cun siangpahrang nih siangpahrang fapa Jerahmeel le Azriel fapa Seraiah le Abdeel fapa Shelemiah kha caṭialtu Baruk le profet Jeremiah kha va tlaih awkah a fial hna, sihmanhsehlaw Bawipa nih a thuh hna.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

SALM 78:37

Amah sinah khan zumhawktlak in an um lo, amah sin i bia an i kammi kha an zul lo.

SALM 119:26

Ka tuahmi vialte kha na sinah ka phuan dih i na ka leh; na nawlbia kha ka cawnpiak tuah hna.

SALM 119:126

Mi nih na phunglam kha an zulh duh ti lo caah atu caan hi na cawlcangh caan a si awk a hau.

ISAIAH 49:4

Kei nih ka thawh i, “Ṭuan cu ka ṭuan ko, sihmanhsehlaw ka ṭuanmi cu san a tlai lo. Ka thazang cu a dih umnak in ka hman, sihmanhsehlaw zeihmanh ka tlamtlinh lo,” ka ti. Asinain Pathian nih thil cu a ṭhatter ko lai tiah ka zumh i ka ṭuan man kha a ka pek ko lai.