1 SIANGPAHRANG 18:43 - Lai (Hakha) Common Language Bible 2006

⁴³ Cun a sinum cu a thawh i, “Hung kal law rili lei kha hung cuan tuah,” tiah a ti. Cun a hung kal i a hung zoh i, “Zeihmanh a um lo,” tiah a ti. Cun, “Voi sarih in hung kal ṭhan tuah,” tiah a ti.

1 SIANGPAHRANG 18:43 Խաչաձեւ Հղումներ

HABAKKUK 2:3

Na hmuhmi langhnak a tlin caan cu a phak rih lo caah a ṭial in ṭial. Asinain a caan cu khulrang in a ra lio ko i, Kan hmuhsakmi cu a tling hrimhrim ko lai. A caan cu a raumi a lo lai, sihmanhsehlaw hngak ko, a tling hrimhrim ko lai i sau a rau ti lai lo,” a ti.

EFESA 6:18

Hi vialte hi thlacam buin tuah u law Pathian kha bawmhnak hal u. Thlarau nih an hruai hna ningin zeitik caan paoh ah thlacam u. Hi caah timhcia tein um zungzal u law nan hnabei zeitikhmanh ah dong hlah u; Pathian mi hna caah thlacam zungzal u.

LUKA 18:7

Pathian nih tah amah a mi hna chunzan hlan in a sinah bawmh hal awkah a au lengmangmi hna cu thiamcoh loin maw a um hna hnga? Anmah bawmh awkah cun a khul a nuar ko hnga maw?

LUKA 18:1

Lungdong loin thla nan cam zungzal awk a si, ti cawnpiaknak caah Jesuh nih hi bianabia hi a chimh hna.

SALM 5:3

Zinglei ah ka aw kha na ka theihpiak: nichuak kate ah na sinah thla ka cam tawn i na ka lehnak kha ka hngah tawn.

GENESIS 32:26

Mipa nih cun, “Ka thlah, khua a dei deng cang,” a ti. Sihmanhsehlaw Jakob nih cun, “Thluachuahnak na ka pek lo ahcun kan thlah bal lai lo,” tiah a leh.

1 SIANGPAHRANG 18:42

Cucaah ei awk le din awkah Ahab cu a hung kal. Cun Elijah cu Karmel Tlang par ah a kal i vawlei ah a kun i a hmai cu a khuk le a khuk karlak ah a chiah.

1 SIANGPAHRANG 18:44

Cun a voi sarihnak ah cun, “Zohhmanh, rili chungin mi kut tiate khi khuadawm a kai iaimai,” tiah a ti. Cun amah nih, “Hung kal law, Ahab kha, ‘Ruah nih an hren sual lai, na rangleng kha tim law vung kal cang,’ tiah hung chim,” tiah a ti.

JOSHUA 6:4

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

2 SIANGPAHRANG 4:35

Khi tikah a tho ṭhan i inn chungah cun aa chawk i a hung kal i a cungah cun a bawk ṭhan; ngakchia cu voi sarih a hung hathiao i ngakchia nih cun a mit a hun au.