1 SIANGPAHRANG 18:40 - Lai (Hakha) Common Language Bible 2006

⁴⁰ Cun Elijah nih annih cu, “Baal profet kha tlai hna u, pakhat hmanh luatter hna hlah u,” tiah a ti. Cun annih nih an tlaih hna i Elijah nih Kishon tivate ah khan a vun kalpi hna i khika ah a thah hna.

1 SIANGPAHRANG 18:40 Խաչաձեւ Հղումներ

BIACEIHTU 4:7

cun Jabin ralbawi bik Sisera cu a rangleng hna le a ralkap hna he nangmah kha Kishon tiva pawng i rak in doh awkah, ka hnuh lai i amah cu nangmah kut chungah kan pek lai,’ an ti lo maw?” tiah a ti.

DEUTERONOMI 18:20

Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti.

DEUTERONOMI 13:5

Sihmanhsehlaw cu profet cu siseh mang mantu cu siseh thah an si lai, zeicahtiah Bawipa nan Pathian nih zulh awkah nawl an pekmi hna lam kha hlawt awkah, Izipt ram chungin an chuahtertu hna, hremnak inn chungin an tlantu hna Bawipa nan Pathian kha ralchanh awkah an cawnpiak hna. Cu bantukin ṭhat lonak cu nan lakin nan thianh awk a si.

BIACEIHTU 5:21

Kishon tiva nih a fenh hna, A luangmi ti tha, Kishon tiva tha nih cun, a fenh hna. Hmailei ah ṭhawnnak he kal chin ko, ka nunnak!

BIAPHUAN 20:10

Cun annih a hlengtu hna, Khuachia kha, mei le kat tili chungah khan an paih, cuka cu sahrang le nal profet an rak thlaknak hna kha a si; cuka ah cun chunzan in zungzal hrem an si zungzal ko lai.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

JEREMIAH 48:10

Daithlang in Bawipa rian a ṭuanmi cu chiat ko seh! Thisen chuah awkah a nam a hmang duh lomi cu chiat ko seh!

EXODUS 22:20

“Bawipa sinah si loin pathian dang sinah rai a thawimi cu thih awk tlak a si tiah sual phawt a si lai.

1 SIANGPAHRANG 18:41

Cun Elijah nih Ahab cu a thawh i, “Hung kal law hung ei law hung ding tuah, zeitintiah ruah a sur hluahmahmi thawng a um,” tiah a ti.

1 SIANGPAHRANG 19:1

Ahab nih Jezebel cu Elijah nih a tuahmi vialte kha le zeitindah vainam in profet vialte a thah hna ti kha a chimh.

2 SIANGPAHRANG 11:18

Cun rammi vialte cu Baal inn ah khan an va kal i an ṭheh i a biakṭheng hna le a siasal hna cu an den cikcek hna i biakṭheng hna hmaiah cun Baal tlangbawi Mattan kha an thah. Cun tlangbawi nih khan Bawipa inn vengtu kha a chiah hna.

2 CHANRELNAK 23:17

Khi tikah mi vialte cu Baal inn ah khan an va kal i an ṭheh i a biakṭheng hna le a milem hna cu an khuai dih hna; cun Baal tlangbawi Mattan kha biakṭheng hna hmaiah cun an thah.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

BIACEIHTU 4:13

Sisera nih cun a rangleng vialte, thir rangleng za kua kha le amah sin i a ummi vialte kha Harosheth-hagoiim in Kishon tiva ah a pumh hna.

2 CHANRELNAK 23:15

Cucaah an tlaih i siangpahrang inn Rang Kutka luhnak ah khan a lut i khika ah amah cu an thah.