1 SIANGPAHRANG 18:36 - Lai (Hakha) Common Language Bible 2006

³⁶ Cun thlet thawinak caan ah khin profet Elijah cu a pawngah a ra i, “Maw Bawipa, Abraham, Isak le Israel i Pathian, nangmah cu Israel mi chungah hin Pathian na si i keimah cu na sal ka si i hi thil vialte hi nangmah bia in ka tuah ti kha nihin ah hin langhter ko.

1 SIANGPAHRANG 18:36 Խաչաձեւ Հղումներ

1 SIANGPAHRANG 18:29

Cun ni cu a run i mer i thlet thawinak caan tiang an au cuahmah ko, sihmanhsehlaw zei aw hmanh a um lo; zeihmanh nih a let hna lo, ahohmanh nih zei ah a rel hna lo.

2 SIANGPAHRANG 19:19

Cucaah maw Bawipa, kan Pathian, vawlei cung pennak vialte nih, maw Bawipa, nangmah lawnglawng hi Pathian na si ti kha an hngalh naklai, amah kut chung hin kan khamh ko, tiah kan nawl,” tiah a ti.

EXODUS 3:6

Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a ṭih caah a hmai kha aa khuh.

1 SIANGPAHRANG 8:43

na umnak van ah khin rak theihpiak law, ramdangmi nih an in auhnak vialte ningin tuahpiak ko hna; zeitintiah vawleicung mi vialte nih na mi Israel mi bangin, na min kha an theih i nangmah kha an in ṭih i hi inn ka sakmi hi nangmah min in kawh a si kha an hngalh nakhnga.

MATTHAI 22:32

‘Kei cu Abraham Pathian, Isak Pathian, Jakob Pathian ka si,’ tiah pei a ti kha. Cu a sullam cu Pathian cu minung mi Pathian a si, mithi Pathian a si lo, tinak a si,” tiah a ti.

SALM 83:18

Nangmah lawnglawng hi Bawipa na si le vawlei dihlak uktu, Cungnung Bik na si kha hngal hna seh!

EFESA 3:14

Hi ruangah hin kan Pa hmaiah khuk bil in ka kun tawn,

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

LAMKALTU 3:1

Ni khat cu, zanlei suimilam pathum, thlacam caan ah khin, Peter le Johan cu biaknak inn ah khan an hung kal.

JOHAN 11:42

Ka bia na ka theihpiak zungzal ti cu ka hngalh ko, sihmanhsehlaw hi ka chimnak cu hika i a ummi hna caah hin a si, annih nih keimah cu nangmah thlahmi ka si kha an ka zumh khawh nakhnga caah a si,” tiah a ti.

DANIEL 12:11

Nifate in pekchanh tawnmi raithawinak kha an ngol i cucu Ṭhiotu Fihnung kha an bunh thawk in ni thong khat za hnih le sawm kua a rau lai.

DANIEL 9:21

Thla ka cam lioah cun langhnak i ka rak hmuh cang mipa, Gabriel kha zanlei raithawi caan ah khin khulrang ngaiin ka pawngah a ra zuang.

DANIEL 8:13

Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti.

EZEKIEL 39:7

Ka min thiang cu ka mi Israel mi hna lakah khan hngalh ka siter lai i ka thurter ti lai lo; miphun dang hna nih khan Bawipa cu Israel mi hna lakah ka thian kha an hngalh lai, a ti.

EZEKIEL 36:23

Cu miphun hna sin i nan thurhhnawmhter cangmi a liannganmi ka min cu ka thianter lai. Annih nih nannih chungin ka thiannak ka langhter kha an hmuh tikah, miphun hna nih cun Bawipa ka si kha an hngalh lai, tiah Bawipa Pathian nih a ti.

SALM 141:2

Ka thlacamnak cu zihmui bangin ka cohlanpiak law ka kut ka hlermi cu zanlei raithawinak sa bangin ka cohlanpiak ko.

1 CHANRELNAK 29:18

Maw Bawipa, kan pu Abraham, Isak le Israel i Pathian, hi bantuk thinlung le ruahnak hi na mi hna chungah hin chia zungzal law annih an lungthin cu nangmah leiah khan hruai ko hna.

2 SIANGPAHRANG 5:15

Khi tikah Pathian mi sinah khan, amah he a mi pawl vialte he an va kir i a hmaika ah khan a va dir cun aa thawh i, “Zohhmanh, Israel ram chungah dah ti lo ah cun, vawlei cung vialte ah Pathian a um lo ti kha ka hngalh; cucaah na sal sin hin laksawng cohlang tuah,” tiah a ti.

2 SIANGPAHRANG 1:6

Cun annih nih amah cu, “Kannih ton awkah khan mipa pakhat a ra i kannih cu a kan thawh i, ‘An thlahtu hna siangpahrang sinah khan va kir u law amah cu, ‘Hi bangin Bawipa nih a ti, Israel ram chungah Pathian a um lo caah maw Ekron khua pathian Baal-zebub kha va hal awkah mi na thlah hna? Cucaah na hung kainak ihkhun khan na ṭum ti lai lo, sihmanhsehlaw na thi hrimhrim lai,’ a ti tiah va chim u a kan ti,” tiah an ti.

2 SIANGPAHRANG 1:3

Sihmanhsehlaw Tishbemi Elijah cu Bawipa vancungmi nih a thawh i, “Tho law, Samaria siangpahrang lamkaltu hna ton awkah hung kal tuah, annih cu, ‘Israel ram chungah Pathian a um lo caah maw nannih Ekron khua pathian Baal-zebub cu hal awkah nan kal?’ tiah hung ti hna.

1 SIANGPAHRANG 22:28

Cun Mikaiah nih a thawh i, “Daihnak in na kir ṭhan a si ahcun, Bawipa nih ka sinah bia kha a chim lo a si lai,” tiah a ti. Cun amah nih cun, “Nannih mi vialte hna, kan chimmi cu thei tuah u,” tiah a ti.

1 SIANGPAHRANG 18:21

Cun Elijah cu mi vialte pawngah khan a ra i, “Zei can dah bei lengmang in ruahnak pahnih he nan kal lai? Bawipa cu Pathian a si ahcun, amah cu zul u; sihmanhsehlaw Baal cu Pathian a si ahcun, amah cu zul fawn ko u,” tiah a ti hna. Mi zapi nih cun bia kaa khat hmanh an let lo.

GENESIS 32:9

Cun Jakob nih khan thla a cam i, “Ka pu Abraham Pathian le ka pa Isak Pathian, ka thlacamnak hi ka theihpiak tuah. Bawipa, nangmah nih na ka thawh i, ‘Na ram le na rualchan hna sinah kir law na caah thil cu tluang tein ka umter ko hna lai; na ka ti.

GENESIS 31:53

Abraham Pathian le Nahor Pathian cu kan karlak biaceihtu si seh,” a ti. Cun Jakob nih khan a pa Isak nih a biakmi Pathian min in biakamnak a tuah.

GENESIS 26:24

Cu zan ah cun Bawipa kha a sinah a lang i, “Kei cu na pa Abraham Pathian kha ka si. Na thinphang hlah, keimah nih kan umpi ko. Ka sal Abraham ruangah thluachuahnak kan pek lai i tefa tampi kan pek lai,” a ti.

LAMKALTU 10:30

Kornelias nih aa thawh i, “Tihni hmasa hmasa chin ah khan atu tikah hin ka inn ah zanlei suimilam pathum ah thla ka cam. Chikkhatte ah khin puan vaar aa aihmi pakhat ka hmaiah khin a hung dir i

GENESIS 46:3

“Keimah cu Pathian, na pa i a Pathian ka si. Izipt ram kal cu ṭih hlah; cuka ah cun na tefa hna cu miphun ngan ah ka ser hna lai.

GENESIS 28:13

Cun Bawipa nih cun, “Keimah hi Bawipa, Abraham le Isak Pathian kha ka si. Na ihnak ram hi nangmah le na tefa kha kan pek hna lai.

EXODUS 4:5

Bawipa nih cun, “Bawipa, an pupa hna Pathian, Abraham Pathian, Isak Pathian, Jakob Pathian na sinah ka langh kha an zumh khawh nakhnga, kha ti khan na va tuah lai,” a ti.

1 SIANGPAHRANG 18:35

Cun ti nih cun biakṭheng cu a kulh i kahcham zong cu ti a khat.

1 SIANGPAHRANG 18:37

Maw Bawipa, nangmah cu Pathian na si i nangmah nih annih cu an lung na kirter ṭhan hna ti kha mi hna nih hin an hngalh nakhnga, ka let tuah, maw Bawipa, ka let tuah,” tiah a ti.

1 SIANGPAHRANG 20:13

Cun zohhmanh profet pakhat Israel siangpahrang Ahab pawngah cun a ra i, “Hi bangin Bawipa nih, ‘Hi mibu nganpi hi na hmuh cang hna a si lo mei? Zohhmanh, nihin ah annih cu nangmah kan pek lai; cun nang nih keimah cu Bawipa ka si kha na hngalh lai,’ a ti,” tiah a ti.

2 SIANGPAHRANG 1:10

Sihmanhsehlaw sawm nga haotu cu Elijah nih a leh i, “Keimah cu Pathian mi ka si a si ahcun, vancung khin mei rung tla seh law nangmah le na sawm nga kha in kangh dih hna seh,” tiah a ti. Cun mei cu vancung in a rung tla i amah le a sawm nga hna cu a kangh hna.

ISAIAH 37:20

Cucaah Bawipa kan Pathian, kannih cu Assiria mi hna kut chungin kan khamh ko sawh; cuticun vawlei cung miphun vialte nih nangmah lawnglawng Pathian na si kha an hngalh lai,” a ti.

2 SAMUEL 7:26

cun ‘Ralkapbu Bawipa cu Israel Pathian a si,’ tiin na min cu a zungzal in upat a si lai i, na sal David innchungkhar cu nangmah hmaiah fehter si ko seh.

1 SIANGPAHRANG 20:28

Cun Pathian mi pakhat nih Israel siangpahrang sinah cun a ra i, “Hi bangin Bawipa nih, ‘Siria mi hna nih, “Bawipa, cu tlang pathian pei a si ko cu, nelrawn pathian a si ṭung lo,” an ti caah, cucaah hi mibu nganpi hi a dihlak in na kut chungah kan pek lai i keimah cu Bawipa ka si kha na hngalh lai,’ a ti,” tiah a ti.

2 SIANGPAHRANG 5:8

Sihmanhsehlaw Pathian mi Elisha nih Israel siangpahrang nih a puan a thleh hna ti kha a theih tikah, siangpahrang cu bia a hei cah i, “Zeicahdah na puan cu na thleh hna? Israel ram chungah profet a um ti kha a hngalh naklai, keimah sinah ratter tuah,” tiah a ti.

2 SIANGPAHRANG 20:11

Cun profet Isaiah nih Bawipa cu a auh i Ahaz ni tahnak ah a liam cangmi thladem kha kar hra a hnuh ṭhan.

2 CHANRELNAK 30:6

Cucaah siangpahrang nawl peknak bang khan ca phortu kha Israel le Judah ram vialte ah khan siangpahrang le a bawi pawl hna ca kha an i phorh i an kal, siangpahrang nih cun, “Maw Israel mi hna, Bawipa, Abraham, Isak le Israel Pathian sinah cun kir ṭhan u law Assiria siangpahrang hna kut in a luatmi nannih a tangmi hna leiah hin aa mer ṭhan ve lai.