1 SIANGPAHRANG 18:27 - Lai (Hakha) Common Language Bible 2006

²⁷ Cun chun ah khin Elijah nih cun a nihsawh hna i, “Fak piin au ngat u, pathian pei a si cu; khuadang a ruah lio hoi hna maw a si maw, ka khatkhat ah a kal ta rih i maw a si maw, asiloah, khual a tlawng i dik a si ko lai, aa hngilh i ṭhangh a herh zong a si ko lai dah kaw!” tiah a ti hna.

1 SIANGPAHRANG 18:27 Խաչաձեւ Հղումներ

ISAIAH 41:23

Hmailei thil um ding kha kan chim tuah u — cu ti nan chim khawh ahcun pathian nan si kha kan hngalh lai. Ṭhatnak pakhat tal, chiatnak pakhat tal tuah u law cuticun thinphang awlok chong in kan um lai i cuticun ta pathian nan si le si lo cu kan hngalh fam hnga.

MARKA 14:41

A voi thumnak a rat tikah khan a thawh hna i, “Nan i hngilh ko rih maw? Nan i din ko rih maw? A za cang! A caan a phan cang. Zohhmanh u, Mi Fapa cu misual mi hna kut chungah pek a si cang.

MARKA 7:9

Cun Jesuh nih cun a thawh ṭhan hna i, “Nanmah cawnpiaknak tu kha fehter i Pathian nawlbia hlawt kha cu nan thiam ngai ko.

MATTHAI 26:45

Cun a zultu hna sinah khan a ra kir ṭhan i, “Nan i hngilh i nan i din ko rih maw? Zohhmanh u, Mi Fapa cu misual mi hna kut chung i chanhnak caan kha a phan cang.

EZEKIEL 20:39

“Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo.

PHUNGCHIMTU 11:9

Maw tlangval hna, nan tlanvalnak kha lawmhnak in hmang ko u, nan tlanval lioah hin nan lung nih lawmhnak hmu ko seh. Nan duhmi kha tuah ko u, nan lung a duh mi kha hmu ko u. (Sihmanhsehlaw nan tuahmi thil paoh ah khan Pathian nih bia a kan ceih lai, ti kha hngal ko u.)

SALM 121:4

Israel hupphengtu cu a ngu bal lo i aa hngilh bal lo,

SALM 44:23

Bawipa, i hlau tuah! Zeicahdah naa hngilh? Tho tuah, a zungzal in kan hlawt hlah.

2 CHANRELNAK 25:8

Sihmanhsehlaw nang nih hi lam hin raldohnak ah ka ṭhawng lai tiin na ruah ahcun, ral hmaiah khan Pathian nih nang cu an hlonh ko lai; zeitintiah Pathian nih cun bawmh khawhnak le hlonh khawhnak ṭhawnnak a ngei,” tiah a ti.

1 SIANGPAHRANG 22:15

Cun siangpahrang sinah a phak tikah, siangpahrang nih cun a rak thawh i, “Mikaiah, Ramoth-gilead cu hung tuk awkah kan kal lai maw, kan i sum lai dah?” tiah a ti. Cun anih nih a thawh i, “Hung kal u law hung tei hen u; Bawipa nih siangpahrang kut chungah a pek ko lai,” tiah a leh.

ISAIAH 51:9

Bawipa, i hlau law kan khamh tuah. Na ṭhawnnak kha hmang law ka khamh tuah; hlanlio i na rak hman bantuk khan hmang tuah. Rili chung limkeng Rahab a sam cikcektu kha nangmah na si.

1 SIANGPAHRANG 18:26

Cun annih nih an pekmi hna cawtum cu an i lak i an can i Baal min cu zingka in chun tiang an auh i, “Maw Baal, kan let tuah!” tiah an ti. Sihmanhsehlaw zei aw hmanh a um lo i zeihmanh nih a let hna lo. Cun an sermi biakṭheng a velchum ah cun heh tiah an i hlok.

1 SIANGPAHRANG 18:28

Cun annih nih fak piin an au i an phung bantukin fei le nam in anmah le anmah cu an thi pawt thluahmah in an i chun an i at.

SALM 39:3

ka lungthin cu khuaruahharnak in a khat. Ka ruah deuh paoh ah ka lungretheihnak kha a zual chin,