1 SIANGPAHRANG 18:19 - Lai (Hakha) Common Language Bible 2006

¹⁹ Cucaah mi thlah hna law Israel mi vialte le Baal profet za li le sawm nga hna kha le Asherah profet za li Jezebel cabuai i rawl a eimi hna kha Karmel Tlang ah pum hna,” tiah a ti.

1 SIANGPAHRANG 18:19 Խաչաձեւ Հղումներ

1 SIANGPAHRANG 16:33

Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh.

JOSHUA 19:26

Allam-melek, Amad, le Mishal an um; nitlaklei leiah Karmel le Shihor-libnath a hei tongh i

2 SIANGPAHRANG 2:25

Khika cun Karmel Tlang ah a va kal i cuka cun Samaria ah a kir.

BIAPHUAN 19:20

Sahrang cu an tlaih i thong ah an thlak, cun a hmaika i khuaruahharnak a tuah tawntu nal profet zong kha an tlaih chih. (Sahrang hmelchunhnak a ngeimi hna le sahrang milem a biami hna kha, khuaruahharnak a tuahmi khan a hlen hna). Cun sahrang le nal profet cu an pahnih in kat meialh tili ah a nung in an paih hna.

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

2 PETER 2:1

Hlan lioah Israel mi hna lakah nal profet an rak chuah tawn bangin, nanmah lak zongah hin cawnpiaktu hmaanlo an chuak ve lai. Thil hrawktu a simi le ahmaan lomi zumhning kha an chuahpi lai i anmah a tlantu hna kan Bawipa kha an hlawt lai i cucaah an cungah a rian a rangmi rawhralnak kha an i tlunter lai.

AMOS 9:3

Karmel tlangpar zongah i thup hna hmanh seh law Khika zongah cun ka kawl hna lai i ka char hna lai; Rili a thuhnak hmun ka mit hmuh lonak zongah i thup hna hmanh seh law Khika zongah cun rili chung rulpi kha seh hna tiah ka fial lai.

AMOS 1:2

Amah nih cun, Bawipa cu Zion in a rung huk i Jerusalem in khuarit in a rung ri; Tuukhal hna ram hninghno cu an car i Karmel tlangpar cu a ro dih, tiah a ti.

JEREMIAH 46:18

“Ka nun bangin,” tiah Siangpahrang, a min Ralkapbu Bawipa a simi nih cun a ti. Tlang hna lak i Tabor tlang a san cem bantuk le Karmel tlang cu rili cung sangpi ah aa hlorh bantukin Nangmah an dohtu dingmi a ṭhawnnak cu a si lai.

2 SIANGPAHRANG 13:6

Sihmanhsehlaw Jeroboam nih Israel mi a sualternak hna Jeroboam innchungkhar sualnak kha an kaltak hna lo i an zulh hna; cun Asherah zong kha Samaria khua ah a um ko).

2 SIANGPAHRANG 9:22

Cun Joram nih Jehu kha a hmuh tikah, “Daihnak a si maw, Jehu?” tiah a ti. Anih nih, “Na nu Jezebel hlawhhlannak le eih hmannak liangluang hi an um rih chungah hin, zei daihnak cu dah a um kho lai?” tiah a ti.

1 SIANGPAHRANG 22:6

Cu tikah Israel siangpahrang nih profet kha hmunkhat ah a pumh hna, mi za li tluk an si, annih cu a thawh hna i, “Ramoth-gilead cu tuk awkah ka kal hnga maw, asiloah, kaa sum ko lai dah?” tiah a ti. Cun annih nih, “Hung kal ko, zeitintiah Bawipa nih siangpahrang kut chungah a pek lai,” an ti.

1 SIANGPAHRANG 18:22

Cun Elijah nih mizapi cu a thawh hna i, “Keimah, keimah lawnglawng hi Bawipa profet a tangmi ka si; sihmanhsehlaw Baal profet cu za li le sawm nga an si.

1 SIANGPAHRANG 15:13

A nu Maakah zong kha, Asherah caah fihnung siasal a ser caah siangpahrang bawinu a sinak kha a ngolter; cun Asa nih a nu milem cu a hau i Kidron tivate ah khan a khangh.

1 SAMUEL 15:12

Cun Samuel cu Saul kha zinglei i ton awkah tuan tein a tho, cun Samuel kha an chimh i, “Saul cu Karmel ah a ra, cun zohhmanh, amah caah hngalh camcinnak lung aa phun i aa mer i a lan i Gilgal ah a vang kal,” tiah an ti.

1 SIANGPAHRANG 18:20

Cucaah Ahab nih Israel mi vialte cu bia a cah hna i profet hna cu hmunkhat ah Karmel Tlang ah a pumh hna.

2 SIANGPAHRANG 3:13

Cun Elisha nih khan Israel siangpahrang cu, “Nangmah he kan i tlaknak zeidah a um? Na pa profet hna le na nu profet hna sinah khan va kal ko,” tiah a ti. Sihmanhsehlaw Israel siangpahrang nih amah cu a thawh i, “Asilo; Moab kut chung i pek awkah hi siangpahrang pathum hna a autu hna hi Bawipa a si ko,” tiah a ti.

2 SIANGPAHRANG 10:19

Cucaah Baal profet vialte le a biatu vialte le a tlangbawi vialte hna kha ka sinah ko hna u; pakhat hmanh bau hna hlah seh, zeitintiah Baal sin i pekchanh awk raithawinak nganpi pakhat ka ngei; a baumi paoh cu an nung lai lo,” tiah a ti. Sihmanhsehlaw Jehu nih hlennak in a tuahmi a si, Baal a biami hna hrawhnak caah khan.

NEHEMIAH 5:17

Cun ka cabuai ah sawmmi minung za le sawm nga lengmang ka ngei hna, cu chungah cun Judah mi le bawi pawl kha an i tel; cun cu hna piin ah cun kan pawngkam i a ummi miphun hna chungin a rami an um rih fawn.

SOLOMON HLA 7:6

Nu raan vun haih khawh lo maw mui sung dawh cem, Ka dawt nunnem tikheirem dawh te, Nang lawng nih kei ka lung hnem dah ngai.

JEREMIAH 23:13

Samaria profet hna cu ruahnak zeihmanh a ngei lomi an si kha ka hmuh: Baal min in bia an chim i ka mi Israel mi kha a pingah an hruai hna.