1 SIANGPAHRANG 17:22 - Lai (Hakha) Common Language Bible 2006

²² Cun Bawipa nih Elijah aw kha a theihpiak i ngakchia cu a chungah khan a nunnak cu a lut ṭhan i a nung ṭhan.

1 SIANGPAHRANG 17:22 Խաչաձեւ Հղումներ

BIAPHUAN 11:11

Ni thum le a cheu hnuah Pathian sinin nunnak petu thaw kha a ra i an chungah a lut i annih cu an dir; a hmumi vialte hna cu an thlakawk a bar hna.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

HEBRU 11:35

Zumhnak in nu hna cu an mithi kha nun ṭhanterpiak an si. A dang cu a ṭha deuhmi nunnak i thawhter si kha an duh deuh caah, luatnak kha i lak duh loin hremnak in an thi.

ROM 14:9

Zeicahtiah Khrih a thih i a thawh ṭhan cu a nungmi he a thimi he an Bawi si awkah a si.

JOHAN 11:43

Cu bia a chim dih in aw thangpi in a vun kawh i, “Lazaruh, ra chuak tuah,” tiah a ti.

2 SIANGPAHRANG 13:21

Cun mipa pakhat an vui lioah khan ramhtu pawl bu khat cu an hmuh hna i mipa cu Elisha thlan chungah an thlak; cun mipa nih Elisha ruh a vun tawngh cangka hna cun a nung ṭhan i a ke in a dir.

1 SAMUEL 2:6

Bawipa nih a thah tawn hna a nun zong a nunter tawn hna. Sheol ah a kalter tawn i a chuah zong a chuahter tawn hna.

LAMKALTU 20:12

Tlangvalpa cu inn ah an kalpi i an hna a ngam.

LUKA 8:54

Sihmanhsehlaw Jesuh nih a kut khan a vun tlaih i, “Tho tuah, ka fanu,” tiah a vun auh.

LUKA 7:14

Cun a va kal i ruak kuang kha a tawngh i a zawntu hna cu an dir. Jesuh nih cun, “Tlangvalpa, tho tuah, kan ti,” tiah a ti.

1 SIANGPAHRANG 17:23

Cun Elijah nih ngakchia cu a lak i cungdot cun inn chungah a runpi i a nu kha a pek; cun Elijah nih a thawh i, “Zohhmanh, na fapa a nung hih,” tiah a ti.