1 SIANGPAHRANG 17:15 - Lai (Hakha) Common Language Bible 2006

¹⁵ Cun a kal i Elijah nih a chim bantuk khan a tuah; cun amah le Elijah le a innchungkhar nih khan ni tampi an ei.

1 SIANGPAHRANG 17:15 Խաչաձեւ Հղումներ

HEBRU 11:17

Pathian nih Abraham cu a hneksak tikah, a fapa Isak kha raithawinak ah a pekchanhtertu cu zumhnak a si. Pathian nih bia a kamhmi cu Abraham kha a si, sihmanhsehlaw a fapa ngeihchunte pakhat kha raithawinak i pekchanh awkah aa tim kho ko.

MARKA 12:43

Jesuh nih khan a zultu kha a kawh hna i, “Hi a si a fakmi nuhmeinu nih hin tangka kuang ah midang vialte nakin tam bik a sanh.

MATTHAI 15:28

Cucaah Jesuh nih cun, “Nangmah cu zumhnak ṭhawng ngaingai a ngeimi na si. Na duhmi cu kan tuahpiak ko lai,” tiah a ti. Cu caan hrimhrim ah cun a fanu cu a rak dam.

GENESIS 6:22

Cun Noah nih khan, Pathian nih a fialmi vialte cu a tuah dih.

JOHAN 11:40

Jesuh nih Martha cu, “Na zumh ahcun Pathian sunparnak na hmuh lai, tiah ka rak in ti lo maw?” tiah a ti.

2 CHANRELNAK 20:20

Cun zingka tein an tho i Tekoa ramlak ah khan an va kal; cun an kal lioah khan Jehoshafat cu a dir i, “Judah ram mi hna le Jerusalem mi hna, ka bia thei tuah u! Bawipa nan Pathian cu zum u law fehter nan si lai; a profet hna kha zum hna u law nan hlawh a tling lai,” tiah a ti.

GENESIS 22:3

A thaizing cu zingka tein Abraham nih a laa kha a dan a danh i Isak le a sinum pahnih hna he tiah an kal. Thawinak ding caah cun thing tlawmpal a hlam i Bawipa nih a chimhmi hmun leiah khan kal aa thawh.

GENESIS 12:4

Abram cu kum sawm sarih le kum nga a si tikah, Bawipa nih a chimh bantuk khan, Haran khua cun aa thawh; Lot kha a sinah a kal ve.

1 SIANGPAHRANG 17:14

Zeitintiah Bawipa, Israel Pathian nih, ‘Bawipa nih ruah vawlei ah a surter hlantiang changvut um cu a lawng lai lo i chiti thawl cu a reu lai lo,’ tiin a ti,” tiah a ti.

1 SIANGPAHRANG 17:16

Bawipa nih Elijah in a chimmi a bia ningte khan, changvut um cu a lawng lo i chiti thawl cu a reu lo.

2 SIANGPAHRANG 4:5

Cucaah amah sin cun a kal i amah le a fapale cu innka an i khar khumh i annih nih um cu an rak put hna i anih nih a rak rawn lengmang hna.