Biblia Todo Logo
Առցանց Աստվածաշունչ

- Գովազդներ -




1 SIANGPAHRANG 16:31 - Lai (Hakha) Common Language Bible 2006

31 Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.

Տես գլուխը Պատճենել




1 SIANGPAHRANG 16:31
35 Խաչաձեւ Հղումներ  

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.


Khi tikah Jehu nih mi vialte kha a pumh hna i annih cu, “Ahab nih Baal cu tlawmte lawng a rian a ṭuan; sihmanhsehlaw Jehu nih cun tampi in a ṭuan lai.


Cun mi panga hna kha an kal i Laish an phan, khika i a ummi hna cu Sidon mi hna umtuning in kikdai le lunghrinnak ngei loin le vawlei cung i a ummi thil zeihmanh bau loin le chawva tampi ngei in le him tein an um le Sidon mi hna he an i hlat le aho he hmanh an i tlatkai lo kha an va hmuh hna.


Cun Israel mi nih Bawipa mithmuh i thil ṭhalo a simi kha an tuah i Baal kha an biak hna.


Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.


Nannih tuukawng le mehehtum hna. Ram hninghno umnak hmun i tlon cu nan i za lo maw? Zeicahdah a dang cu nan ke in nan lamh hna? Asiloah, din awk ti thiang kong zongah, zeicahdah a tangmi ti cu nan ke in nan nawiter dih?


Anmah umtuning in um ve in thil fihnung kha na tuah ve lo maw? Anmah nak hmanh in ṭhalo deuh in na um dengmang.


“Fanu, fapa na ka hrinpiakmi hna kha na lak hna i hi siasal hna hmaiah hin an rawl caah rai ah na thawi hna. Hlawh na hlannak nakin mah hihi a hme deuhmi thil a si maw?


A ka thawh i, “Mipa, khikhi na hmu maw? Hi thil fihnung hna hi thil hmetuai ah an rel caah maw Judah mi hna nih hin ram hi zaang-ennak in an khahter hi a si hnga? Ka thinhunnak damter an i zuam tik hmanh ah hin ka thin an ka phawh chin lengmang.


Cu tikah Isaiah nih cun aa thawh i, “Siangpahrang David tefa a simipa, ka bia hi ngai tuah. Hi tlukin minung ing na puanter cang pinah hin maw Pathian ing cu na puanter rih lai?


Cucaah mi thlah hna law Israel mi vialte le Baal profet za li le sawm nga hna kha le Asherah profet za li Jezebel cabuai i rawl a eimi hna kha Karmel Tlang ah pum hna,” tiah a ti.


Jezebel nih Bawipa profet hna a thah hna ah khan, Obadiah nih profet za khat a lak hna i sawm nga sawm nga in lungkua ah a thuh hna i ti le rawl in a cawm hna).


Sidon mi hna zong le Amalek mi hna le Maon mi hna nih nannih kha an in hrem hna i nannih nih nan ka auh i an kut chungin kan chuah hna.


Cun Israel mi nih Bawipa mithmuh ah ṭhat lonak an tuah ṭhan hoi i Baal le Ashtaroth le Siria pathian hna le Sidon pathian hna le Moab pathian hna le Ammon mi pathian hna le Filistin mi pathian hna kha an rian an ṭuan hna; Bawipa kha an hlawt i amah kha a rian an ṭuan lo.


“Cun Israel mi nih Bawipa mithmuh i thil ṭha lo kha an tuah, Bawipa an Pathian kha an philh i Baal hna le Asherah hna rian kha an ṭuan hna.


Israel Pathian nih nannih cu Israel mibu hna chungin amah sin naih i umter awk, Bawipa puan biakinn chung i rianṭuan awk le aa pummi hmai i dir i an rianṭuan awkah an thleidan hna hi nannih caah a hme tukmi thil maw a si?


Leah nih cun, “Ka va na ka chuh hi naa za rih lo maw? Ka fapa mandarek zong lak rih na zalh hi?” a ti. Rachel nih cun, “Na fapa mandarek kha na ka pek ahcun Jakob he tu zan ah na it kho lai,” a ti.


Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.


“Bawipa na Pathian nih, co awkah na va luhnak ram chungah an luhpi tik le nangmah hmai in miphun tampi, Hit mi le Girgash mi le Amor mi le Kanaan mi le Periz mi le Hiv mi le Jebus mi, nanmah nakin a ṭhawng deuh le a ngan deuhmi miphun phun sarih hna cu a ṭhawl hna i,


Cun anih nih a leh i, “Keimah nih Israel mi cu harnak ka pe hna lo, nangmah le na pa hrin nih pei nan pek hna tiah, zeicahtiah nannih nih Bawipa nawlbia kha nan hlawt hna i Baal kha nan zulh hna.


Bawipa mithmuh ah thil ṭhalo kha a tuah, sihmanhsehlaw a nu le a pa bantuk kha cu a si lo, zeicahtiah a pa nih a rak sermi Baal lungphun kha a hlonh.


Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.


sihmanhsehlaw Israel siangpahrang hna lam kha na zulh hna i Ahab innchungkhar nih Israel mi an pialter hna bang khan nangmah nih Judah ram mi hna le Jerusalem mi hna kha na pialter hna i nangmah nakin a ṭha deuhmi na unau hna, na pa innchungkhar mi a simi hna kha na thah hna caah,


Asher nih Akko i a ummi si hna seh, Sidon i a ummi si hna seh, Ahlab i a ummi si hna seh, Akzib i a ummi si hna seh, Helbah i a ummi si hna seh, Afik i a ummi si hna seh, Rehob i a ummi si hna seh a dawi hna lo;


sihmanhsehlaw a pa Pathian kha a kawl i Israel mi nih an zulhmi lam si loin a nawlbia kha a zulh.


Khika ah a mitsur dum cu ka pek ṭhan lai, Harnak Horkuang cu Ruahchannak Kutka ah ka ser lai i Izipt ram in a chuah i a no lio bantuk khan khika ah a ka leh lai.


Հետեւեք մեզ:

Գովազդներ


Գովազդներ