1 SIANGPAHRANG 16:29 - Lai (Hakha) Common Language Bible 2006

²⁹ Judah siangpahrang Asa, siangpahrang a si kum sawm thum le kum riatnak ah, Omri fapa Ahab nih Israel mi hna cu pen hram a thawk i Omri fapa Ahab nih cun Israel mi hna cu Samaria khua in kum kul le kum hnih a uk hna.

1 SIANGPAHRANG 16:29 Խաչաձեւ Հղումներ

1 SIANGPAHRANG 16:24

Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.

1 SIANGPAHRANG 16:28

Cun Omri cu a pupa hna sinah a it i Samaria khua ah an vui; cun a fapa Ahab cu amah hmun ah khan a hung bawi.

1 SIANGPAHRANG 16:30

Cun Omri fapa Ahab nih amah hlan i a ummi vialte hna nakkhan ṭhat lonak Bawipa mithmuh ah tam deuh a tuah.

1 SIANGPAHRANG 16:33

Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh.

1 SIANGPAHRANG 21:18

“Tho law, Samaria khua i a ummi Ahab, Israel siangpahrang kha ton awkah vung kal tuah; zohhmanh, amah nih co awkah a kalhnawhmi Naboth mitsur dum chungah a um ko.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

MIKAH 6:16

Omri siangpahrang cawnpiaknak kha nan i ken, A fapa Ahab le a innchungkhar nih an tuahmi kha nannih zong nih nan tuah ve; An lam paoh kha nan zulh hna. Cucaah nannih cu rawk cikcek in kan ṭhio hna lai, Miphun dang hna nih nannih cu an in nihsawh hna lai i an in serhsat hnanak cu nan in lai,” a ti.

1 SIANGPAHRANG 16:21

Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh.

1 SIANGPAHRANG 16:23

Judah siangpahrang Asa, siangpahrang a sinak kum sawm thum le kum khatnak ah Omri nih Israel mi cu pen hram a thawk hna i kum hleihnih a uk hna; kum ruk cu Tirzah in a uk hna.

2 CHANRELNAK 25:13

Sihmanhsehlaw Amaziah nih a sinah raltuknak hmun ah kalter loin a kirtermi ralkapbu chung mi hna nih khan Judah ram khua cu Samaria in Beth-horon tiang an chim hna i cu khuami cu thong thum an thah hna i hranchaw tampi an lak.

HOSEA 13:1

Efraim phun mi nih bia an chim tikah midang nih khan an rak ṭih tawn hna; Israel mi a dang hna nih khan an rak zohcho hna. Sihmanhsehlaw annih nih Baal an biak ruangah khan an sual i hi ruangah hin an thi lai.