1 SIANGPAHRANG 16:24 - Lai (Hakha) Common Language Bible 2006

²⁴ Shemer sinin Samaria tlang cu ngun talen pahnih in a cawk; tlang ah cun ralhau a sak i a sermi khua cu tlang a rak ngeitu Shemer min chuankhan in Samaria a ti.

1 SIANGPAHRANG 16:24 Խաչաձեւ Հղումներ

1 SIANGPAHRANG 13:32

Zeitintiah Pathian bia thawngin Bethel biakṭheng le Samaria ram chung khua i a ummi khuahrumbo hna inn vialte kong i a chimmi bia vialte kha a tling hrimhrim lai,” tiah a ti.

2 SIANGPAHRANG 17:24

Cun Assiria siangpahrang nih Babilon, Kuth, Avva, Hamath le Sefarvaim khua in mi kha a ratpi hna i Israel mi can ah khan Samaria ram khua chungah a chiah hna; cun Samaria ram kha an co i a khua hna chungah khan an um.

2 SIANGPAHRANG 17:6

Hoshea a bawi kum kuanak ah Assiria siangpahrang nih Samaria khua kha a lak i Israel mi kha Assiria ah a kalpi hna, Halah ram le Gozan ram Habor tiva le Media mi hna khua ah a chiah hna.

2 SIANGPAHRANG 17:1

Judah siangpahrang Ahaz a bawi kum hleihnihnak ah Elah fapa Hoshea nih Israel ram kha Samaria in pen hram a thawk i kum kua a uk.

1 SIANGPAHRANG 22:37

Cuticun siangpahrang cu a thi i Samaria ah an ratpi i siangpahrang cu Samaria khua chungah an vui.

1 SIANGPAHRANG 20:1

Siria siangpahrang Benhadad nih a ralkap vialte kha a pumh hna; siangpahrang sawm thum le pahnih kha a sinah an ṭang, rang le rangleng hna he; cun a hung kal i Samaria kha a kulh i a doh.

1 SIANGPAHRANG 18:2

Cucaah Ahab sin i vaa langh awkah cun Elijah cu a kal. Atu cu Samaria ram ah cun mangṭam cu a fak ko cang.

1 SIANGPAHRANG 16:32

Samaria khua chungah a sakmi Baal inn chungah khan Baal caah biakṭheng pakhat a ser.

2 SIANGPAHRANG 10:1

Ahab nih Samaria ah fapa sawm sarih a ngeih hna. Cucaah Jehu nih ca a ṭial i Samaria khua ah khan, khua uktu hna le upa hna le Ahab fapa hna zohkhenhtu hna kha a kuat hna i,

2 SIANGPAHRANG 15:13

Jabesh fapa Shallum cu Judah siangpahrang Uzziah a bawi kum sawm thum le kum kua kum ah pennak a hram a thawk i Samaria ah thla khat a bawi.

JEREMIAH 41:5

Shekhem le Shiloh le Samaria in pa sawm riat an ra. An khahmul kha an i meh i an puan kha an thleh hna i an pum cu an i at, annih nih Bawipa biakinn i pekchanh awkah changvut thawinak le zihmui kha an rak i put.

AMOS 6:1

Zion ah nuam ngaiin a ummi hna le Samaria tlang cungah harnak tong loin a ummi hna, Nan cungah ningzahnak a tlung lai. Miphun hna lak i a ngan bikbik hna sinah khin va kal u law Annih cu va tlawng tuah hna u, Israel mi hna.

MIKAH 1:5

Mah hi vialte hi Jakob ṭhat lonak ruang le Israel sualnak ruangah a si. Jakob ṭhat lonak cu zeidah an si? Samaria khua chung i an tuahmi kha an si lo maw? Judah mi hna cu khuazei khuahrumbo ruangah dah dan ka tat hna lai? Jerusalem khua hi an khuahrumbo cu a si ko.