1 SIANGPAHRANG 16:21 - Lai (Hakha) Common Language Bible 2006

²¹ Cun Israel mi cu cheu hnih ah an i cheu; mi hnarcheu nih Ginath fapa Tibni cu amah kha siangpahrang i ser awkah an zulh i hnarcheu nih Omri kha an zulh.

1 SIANGPAHRANG 16:21 Խաչաձեւ Հղումներ

MATTHAI 12:25

An lung chung i a ummi ruahnak cu Jesuh nih a hngalh caah annih cu, “Ram pakhat cu a chungah anmah le anmah aa domi bu an um ahcun cu ram cu saupi a hmun kho lai lo. Cun khua pakhatkhat zong a chungah anmah le anmah aa domi bu an um ahcun, a dir kho lai lo.

ISAIAH 19:2

Bawipa nih aa thawh i, “Izipt ram chungah mah le mah i dohnak ka chuahter lai, u le nau kha an i do lai i innpa le innpa kha an i do lai. Khua khat le khua khat an i tu lai i siangpahrang pakhat le pakhat uknak an i cuh lai.

PHUNGTHLÛKBIA 28:2

Ram cu a fimmi le khuaruah a thiammi hruaitu a ngeih hna tikah saupi a dir kho, sihmanhsehlaw uktu kha atu le atu an i thlen lengmang cu ram kha a sual caah a si.

1 SIANGPAHRANG 16:29

Judah siangpahrang Asa, siangpahrang a si kum sawm thum le kum riatnak ah, Omri fapa Ahab nih Israel mi hna cu pen hram a thawk i Omri fapa Ahab nih cun Israel mi hna cu Samaria khua in kum kul le kum hnih a uk hna.

1 SIANGPAHRANG 16:8

Judah siangpahrang Asa, siangpahrang a si kum kul le kum ruknak ah Baasha fapa Elah nih Israel mi kha Tirzah khua in uk hram a thawk hna i kum hnih a pen hna.

1 SIANGPAHRANG 15:28

Cuticun Baasha nih, Judah siangpahrang Asa a bawi kum thumnak ah cun Nadab kha a thah i amah hmun ah cun amah cu a bawi.

1 SIANGPAHRANG 15:25

Judah siangpahrang Asa bawi kum hnihnak ah Jeroboam fapa Nadab nih khan Israel mi cu uk hram a thawk hna; Israel mi cu kum hnih a uk hna.

1 SIANGPAHRANG 16:20

Zimri tuahsernak a tang rihmi le rawinak amah nih a tuahmi kha, Israel Siangpahrang hna Chanrelnak Cauk chungah an i ṭial lo mei?

1 SIANGPAHRANG 16:22

Sihmanhsehlaw Omri a zulmi hna nih Ginath fapa Tibni a zulmi hna kha an tei hna; cucaah Tibni cu a thi i Omri cu siangpahrang a cang.