1 SIANGPAHRANG 15:5 - Lai (Hakha) Common Language Bible 2006

⁵ zeicahtiah David nih Bawipa mithmuh i a dingmi kha a tuah i Hit mi Uriah kong ah khan dah ti lo ahcun nawl a pekmi paoh kha a nun chung vialte pakhat hmanh a pialtak hna lo.

1 SIANGPAHRANG 15:5 Խաչաձեւ Հղումներ

1 SIANGPAHRANG 14:8

David innchungkhar sinin pennak kha ka thleh i nangmah kha kan pek; asinain, ka nawlbia kha a ul hna i a lung dihlak in a ka zul i ka mithmuh ah a dingmi lawng a tuahtu ka sal David bantuk kha nang cu na si lo,

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

1 SIANGPAHRANG 9:4

Cun nangmah kongah, na pa David nih a rak kal bantuk khan, ka hmaiah lung hlumte le dinnak in na kal i nawl kan pekmi vialte ningin na tuah i ka nawlbia le ka phung lam kha na zulh hna ahcun,

LAMKALTU 13:36

David nih khan amah a caan ah khan Pathian rian cu a rak ṭuan; cun a thi i a hringsortu hna sinah khan vui a si i thutnak kha a in.

LAMKALTU 13:22

Amah cu a phuah hnuah Pathian nih cun David kha an siangpahrang ah a ser. Amah kongah Pathian nih a chimmi cu, ‘Jesse fapa David hi ka duhmi phun a si, amah hi tuah tiah ka fialmi a tuah duh dingmi a si,’ ti hi a rak si.

SALM 119:6

Na nawlbia vialte kha ṭha tein kaa zohchih hna ahcun ningzahnak ka phan lai lo.

SALM 51:1

Pathian, a fekmi na dawtnak ruangah ka cungah zaangfahnak ngei ko; na zaangfahnak a ngan caah ka sualnak cu ka thianhpiak ko hna.

2 CHANRELNAK 34:2

Bawipa mithmuh i a dikmi kha a tuah i a pa David lam kha a zulh hna; cun orhlei ah siseh, kehlei ah siseh aa mer lo.

2 SIANGPAHRANG 22:2

Cun Bawipa mithmuh ah a dikmi thil kha a tuah i a pu David lam kha a zul, orhlei ah siseh, kehlei ah siseh a pial lo.

1 SIANGPAHRANG 15:3

Cun amah hlan i a pa nih a rak tuahmi sualnak vialte chungah khan a kal ve i a pu David lung bantuk kha si loin, a lung cu Bawipa a Pathian sinah khan a dihlak in aa biatak ngaingai lo.

SALM 119:102

Na cawnpiaknak kha zeirello in ka um hna lo, zeicahtiah a ka cawnpiaktu cu nangmah na si.

1 SAMUEL 25:28

Na salnu ka sualnak cu ka ngaithiam ko sawh; zeitintiah ka bawipa nih Bawipa raltuknak kha a tuk caah Bawipa nih ka bawipa cu a fekmi inn a serpiak ṭheo lai i na nun chung paohpaoh nangmah chungah ṭhat lonak hmuh awk a um lai lo.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.