1 SIANGPAHRANG 15:27 - Lai (Hakha) Common Language Bible 2006

²⁷ Issakhar chungkhar mi Ahijah i fapa Baasha nih amah cu a rawi i Filistin mi ta a simi Gibbethon khua ah khan Baasha nih cun a thah; Nadab le Israel mi vialte nih Gibbethon cu an dum lio a rak si.

1 SIANGPAHRANG 15:27 Խաչաձեւ Հղումներ

1 SIANGPAHRANG 14:14

Cuhleiah nihin ah Jeroboam innchungkhar a hloral ding Israel mi siangpahrang pakhat Bawipa nih aa serh lai. Cun hi hnuah cun,

JOSHUA 21:23

cun Dan phun chungin Eltekeh le a saṭil tlonnak ram hna, Gibbethon le a saṭil tlonnak ram hna,

JOSHUA 19:44

Eltekeh, Gibbethon, Baalath,

1 SIANGPAHRANG 16:15

Judah siangpahrang Asa, siangpahrang a si kum kul le kum sarihnak ah khan Zimri cu Tirzah khua ah ni sarih bawi a cang. Cun ralkap hna nih khan Filistin mi ta a simi Gibbethon kha an riahhnawh,

2 SIANGPAHRANG 12:20

A sinum hna kha an tho i an rawi i Silla i vung kalnak lam i a ummi Millo inn ah khan Joash cu an thah.

1 SIANGPAHRANG 16:17

Cucaah Omri cu Israel mi vialte he Gibbethon khan an hung kal i Tirzah khua kha an dum.

1 SIANGPAHRANG 16:9

Sihmanhsehlaw a rangleng hnarcheu haotu Zimri nih a rawi. Tirzah khua i a um lio, a innchungkhar zohkhenhtu a simi Arza inn i ri lakin zu aa din ah khan,

1 SIANGPAHRANG 15:28

Cuticun Baasha nih, Judah siangpahrang Asa a bawi kum thumnak ah cun Nadab kha a thah i amah hmun ah cun amah cu a bawi.

1 SIANGPAHRANG 16:7

Cuhleiah Baasha le a innchungkhar he ralchanh in, a kut tuahmi thil in Bawipa cu a thin a phawh i a mithmuh i ṭhat lonak a tuahmi vialte ca le Jeroboam innchungkhar bantuk a si i a hrawh zong a hrawh caah khan, Hanani fapa profet Jehu sinin Bawipa bia cu a ra.

1 SIANGPAHRANG 16:10

Zimri cu a ra lut i a tuk i a thah, mah cucu Judah siangpahrang Asa, siangpahrang a si kum kul le kum sarihnak ah khan a si. Amah hmun ah cun Zimri cu a bawi.

1 SIANGPAHRANG 16:16

cun a riahhnawhtu ralkap nih khan, “Zimri nih a rawi i siangpahrang kha a thah,” tiah an theih; cucaah Israel mi vialte nih ralkapbu haotu Omri kha cu ni ah cun riahhmun ah cun Israel siangpahrang ah an ser.

2 SIANGPAHRANG 9:14

Cuticun Nimshi fapa Jehoshafat i fapa Jehu nih cun Joram cu a rawi. (Cu lioah cun Joram cu Israel mi vialte he Siria siangpahrang Hazael kha doh awkah Ramoth-gilead ah an um;

2 SIANGPAHRANG 12:21

Amah kha a tu i a thattu hna cu a sinum Shimeath fapa Jozakar le Shomer fapa Jehozabad an si. David khua chungah a pupa hna sinah an vui i a fapa Amaziah cu amah hmun ah khan bawi a cang.

2 CHANRELNAK 24:25

Annih nih an tluntak tikah, hma fak ngaingai a ing in an kaltak, tlangbawi Jehoiada fapa thisen ruangah khan a sinum hna nih an rawi i a ihkhun cungah an thah. Cucaah a thi i David khua chungah an vui, sihmanhsehlaw siangpahrang hna thlan ah khan cun an vui lo.