1 SIANGPAHRANG 15:22 - Lai (Hakha) Common Language Bible 2006

²² Cun Siangpahrang Asa nih Judah ram dihlak ah thawng a thanh hna, pakhat hmanh an luat lo, Ramah khua sernak ah Baasha nih a rak hmanmi lung le thing vialte kha an thiar dih i cu thingrua cun Siangpahrang Asa nih Mizpah khua le Benjamin ram i Geba khua kha a ser hna.

1 SIANGPAHRANG 15:22 Խաչաձեւ Հղումներ

JOSHUA 21:17

cun Benjamin phun chungin Gibeon le a saṭil tlonnak ram hna, Geba le a saṭil tlonnak ram hna,

JOSHUA 18:24

Khefar-ammoni, Ofni, Geba, — khua pa hleihnih an khuate hna he;

JOSHUA 18:26

Mizpah, Khefirah, Mozah,

JEREMIAH 40:10

Kei cu Mizpah ah hin ka um lai i Khaldi mi hna hi an rat paoh ah ka rak zohkhenh hna lai; sihmanhsehlaw nannih cu mitsur hang le ṭhal caan theitlai hna le chiti kha pum hna u law um chungah khan khong hna u law nan lakmi khua hna chungah khan um ko hna u,” tiah a ti hna.

JEREMIAH 40:6

Cun Jeremiah cu Ahikam fapa Gedaliah sinah khan Mizpah ah cun a ra i ram chung i a tangmi hna lakah khan amah sinah cun a um ve.

2 CHANRELNAK 16:6

Cun Siangpahrang Asa nih Judah mi vialte kha aa kalpi hna i Baasha nih Ramah khua sernak i a hmanmi lung le thing kha an phorh hna i Geba le Mizpah khua sernak ah a hman hna.

1 SAMUEL 7:5

Cun Samuel nih, “Israel mi vialte hna cu Mizpah ah pum hna u law, Bawipa sinah keimah nih thla kan campiak hna lai,” a ti.

1 SIANGPAHRANG 15:17

Israel siangpahrang Baasha nih Judah ram kha a hung doh i Judah siangpahrang sinah ahohmanh chuahter lo le luhter lonak caah Ramah khua kha a ser.

2 SIANGPAHRANG 23:8

Cun Judah ram khua hna khan tlangbawi vialte kha a chuah hna i tlangbawi nih zihmui an khanghnak khuahrum bo vialte kha, Geba in Beersheba tiang a thurhnawmhter dih hna; khua uktu bawi Joshua kutka luhnak i a ummi kutka khuahrum bo khuapi kutka vung luh i cakeh lei ah a ummi hna kha a chimh dih hna.

ZEKHARIAH 14:10

Ram cu a ning piin Geba in Timmon thlanglei tiang a rawnmi Arabah ram bantukin a rawn lai; sihmanhsehlaw Jerusalem cu amah a hmunte ah khan sang piin a dir ko lai, Benjamin Kutka in A Kil Kutka timi tiang cucu hmasa deuh kutka a rak dirnak hmun kha a si. Hananel Innsang in Siangpahrang mitsur nennak tiang, a chungah mi an khat lai.

JEREMIAH 41:9

Ishmael nih a thahmi hna an ruak a hlonhnak tikhor cu tikhor nganpi a si. Ishmael nih miruak cu cu tikhor ah cun khat lakin a hlonh hna. Hi tikhor cu Baasha nih Siangpahrang Asa a rak tuk ah khan Asa ni a rak cawhmi a si.