1 SIANGPAHRANG 15:20 - Lai (Hakha) Common Language Bible 2006

²⁰ Cun Benhadad nih Siangpahrang Asa kha a bia a ngaih i a ralkapbu haotu hna kha Israel mi khua doh awkah a thlah hna i Ijon, Dan, Abel-beth-maakah le Khinneroth vialte kha, Naftali ram vialte he an tei dih.

1 SIANGPAHRANG 15:20 Խաչաձեւ Հղումներ

2 SIANGPAHRANG 15:29

Israel siangpahrang Pekah chan ah khan Assiria siangpahrang Tiglath-pileser kha a ra i Ijon, Abel-besh maakah, Janoah, Kedesh, Hazor, Gilead le Galilee, Naftali ram vialte kha a lak; cun mi hna cu sal ah Assiria ram ah a kalpi hna.

BIACEIHTU 18:29

Cun khua cu a min ah, Israel hrinmi Dan an pu min chuankhan in Dan an sak, sihmanhsehlaw cu khua min cu a terte ah cun Laish a si.

JOSHUA 11:2

chaklei tlangram i a ummi siangpahrang hna le Khinneroth thlang Arabah i a ummi siangpahrang hna le rawnram i a ummi siangpahrang hna le nitlaklei Nafoth-dor i a ummi siangpahrang hna le

1 SIANGPAHRANG 12:29

Cun pakhat cu Bethel ah a chiah i a dang pakhat cu Dan ah a chiah.

JOSHUA 12:3

cun Arabah zong, Khinneroth Rili tiang nichuahlei kam zuahmah in, cun Beth-jeshimoth leiah Arabah rili tiang, cucu Cite Rili a si, cun thlanglei ah Pisgah tlangpangzau hram tiangin.

GENESIS 14:14

Abram nih a rualchan an tlaih ti kha a theih tikah a riahhmun i a ummi a minung hna lak i zumhawktlak a timi minung za thum le hlei riat kha a kawh hna i siangpahrang hna cu Dan khua tiang an dawi hna.

1 SIANGPAHRANG 20:1

Siria siangpahrang Benhadad nih a ralkap vialte kha a pumh hna; siangpahrang sawm thum le pahnih kha a sinah an ṭang, rang le rangleng hna he; cun a hung kal i Samaria kha a kulh i a doh.

1 SIANGPAHRANG 20:34

Cun Benhadad nih amah cu a thawh i, “Ka pa nih na pa sinin a lakmi khua kha kan khirh ṭhan lai; cun ka pa nih Samaria ah a rak tuah bang khan, nang zong nih Damaskas khua ah chawdawr naa ser ve lai,” tiah a ti. Cun Ahab nih a thawh i, “Hi biakamnak thawng hin kan luatter lai,” tiah a ti. Cucaah amah he cun biakamnak a ser i a kalter.

JOSHUA 19:39

Mah hihi Naftali phun nih an innchungkhar ning cio in an comi vo cu a si — hi khua hna le an khuate hna cu.