1 SIANGPAHRANG 15:18 - Lai (Hakha) Common Language Bible 2006

¹⁸ Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 15:18 Խաչաձեւ Հղումներ

2 SIANGPAHRANG 12:18

Judah siangpahrang Joash nih a pupa Judah siangpahrang hna Jehoshafat le Jehoram le Ahaziah nih an rak pekchanhmi biakam thawinak vialte le amah biakam thawinak le Bawipa inn chung le siangpahrang inn rokuang chung i a ummi sui vialte kha a lak hna i Siria siangpahrang Hazael kha a kuat hna. Khi tikah Hazael nih Jerusalem cu a kaltak ṭhan.

1 SIANGPAHRANG 14:26

Bawipa inn chung rothil le siangpahrang inn chung rothil kha a lak hna; zeizong vialte kha a lak dih hna. Solomon nih a sermi sui phaw vialte zong kha a lak hna i

1 SIANGPAHRANG 15:15

Cun Bawipa inn chungah khan a pa biakamnak laksawng hna le amah biakamnak laksawng hna, ngun, sui le umkheng hna kha a rak put hna.

GENESIS 14:15

A mi cu bu hnih ah a ṭhen hna i zan ah an tuk hna i an tei hna. Damaskas khua chaklei i a ummi Hobah tiang an dawi hna i

AMOS 1:4

Cucaah Hazael inn chungah cun mei ka thlah lai i Cu mei nih cun Benhadad inn ṭhaṭha vialte cu a kangh dih hna lai.

JEREMIAH 49:27

Cun Damaskas kulhnak vampang cu mei in ka duah lai i Benhadad siangpahrang inn hna cu a kangh dih hna lai.

2 CHANRELNAK 15:18

Cun Pathian inn chungah khan a pa biakamnak laksawng hna le amah biakamnak laksawng hna, ngun le sui le umkheng hna kha a rak put hna.

GENESIS 15:2

Sihmanhsehlaw Abram nih cun a thawh ve i, “Maw Bawipa Pathian, kei cu fa ka ngei lo; cucaah zeitindah laksawng cu na ka pek khawh lai? Ka ro a ka cotu ding cu Damaskas khuami Eliezer hi pei a si ko hi.

2 SIANGPAHRANG 12:17

Khi caan ah khan Siria siangpahrang Hazael cu a hung kal i Gath kha a tuk i a lak. Sihmanhsehlaw Jerusalem doh awk i hung kal aa timh tikah khan,

2 SIANGPAHRANG 12:19

Joash tuahsernak a taang rihmi le a tuahmi vialte cu Judah siangpahrang hna Chanrelnak Cauk chungah an i ṭial lo mei?