1 SIANGPAHRANG 15:14 - Lai (Hakha) Common Language Bible 2006

¹⁴ Sihmanhsehlaw khuahrum bo hna kha cu a hrawk hna lo. Asinain, Asa cu a nun chung vialte, Bawipa leiah a lung dihlak in aa biatak ko.

1 SIANGPAHRANG 15:14 Խաչաձեւ Հղումներ

1 SIANGPAHRANG 22:43

A pa Asa lam vialte kha a zulh dih; Bawipa mithmuh i a dikmi tuah awkah a pialtak hin lo; asinain khuahrumbo hna kha a hrawk hna lo i mi nih khan khuahrumbo ah cun rai an thawi i zihmui an khangh ṭheo ko rih.

1 SIANGPAHRANG 15:3

Cun amah hlan i a pa nih a rak tuahmi sualnak vialte chungah khan a kal ve i a pu David lung bantuk kha si loin, a lung cu Bawipa a Pathian sinah khan a dihlak in aa biatak ngaingai lo.

1 SIANGPAHRANG 8:61

Cucaah a nawlbia le a phungbia kha zul in, nihin i nan tuah bangin, Bawipa kan Pathian sinah nan lungthin cu a dih umnak in fehter ko u,” tiah a ti.

2 SIANGPAHRANG 12:3

Asinain khuahrum bo hna kha an hrawk hna lo i khuahrum bo ah cun mi nih rai an thawi i zihmui an khangh ṭheo ko.

2 CHANRELNAK 14:5

Cun Judah ram chung khua vialte hna chung khan khuahrum bo hna le zihmui biakṭheng hna kha a hrawh hna. Cun ram cu a kut tangah hnangam in a um.

2 CHANRELNAK 14:3

Ram dang biakṭheng hna le khuahrum bo hna kha a hrawh hna i tung kha a chimh hna i Asherim kha a hau hna i

2 SIANGPAHRANG 14:4

Sihmanhsehlaw khuahrum bo kha a hrawk hna lo i khua hrum bo ah cun mi nih rai an thawi i zihmui kha an khangh ṭheo ko rih.

2 CHANRELNAK 25:2

Bawipa mithmuh ah a dikmi kha a tuah, asinain, soisel awk um lo lung he a si lo.

2 CHANRELNAK 16:9

Zeitintiah vawlei cung dihlak ah hin Bawipa mit cu aa chawk dih i amah lei i an lung soisel awk a um lomi hna cungah a ṭhawnnak kha a langhter. Hi thil ah hin hrut piin na tuah cang; zeitintiah atu cun ral na ngei cang lai,” tiah a ti.

2 SIANGPAHRANG 15:4

Sihmanhsehlaw khuahrum bo hna kha cu an hrawk hna lo i mi nih khuahrum bo hna ah khan rai an thawi i zihmui an khangh ṭhiamṭhiam ko.

1 SIANGPAHRANG 11:4

Zeitintiah Solomon cu a hung tar tikah a nupi hna nih cun a lung cu pathian dang hna leiah an pialter i a pa David lung bang khan cun a lung cu a dih umnak in a Pathian Bawipa sinah khan a hmun lo.

1 SIANGPAHRANG 3:2

Mizapi cu khuahrum bo ah khan raithawinak an tuah ko, zeicahtiah Bawipa min caah inn sakmi a um rih lo.

1 SIANGPAHRANG 3:3

Solomon nih Bawipa kha a dawt ko, a pa David nawlbia kha a zulh ko hna; amah belte, khuahrum bo ah khan rai a thawi i zihmui a khangh.