1 SIANGPAHRANG 15:12 - Lai (Hakha) Common Language Bible 2006

¹² Biaknak lei pa hlawhhlang kha ram chungin a dawi hna i a pupa nih an sermi siasal vialte kha a ṭhial hna.

1 SIANGPAHRANG 15:12 Խաչաձեւ Հղումներ

1 SIANGPAHRANG 22:46

Cun a pa Asa chan lio i a rak tang rihmi hlawhhlang nu le hlawhhlang pa vialte kha a ram chungin a hloh hna.

JUDAS 1:7

Cun Sodom le Gomorrah le an pawngkam i a ummi khua hna kha philh hna hlah u. Cu khua mi hna nih cun, kha vancungmi hna bantuk khan, nu le pa sualnak kha an tuah i hawi ningkel hmanh in an tuah lo. Annih nih mei hremnak kha zungzal in an huah i cucu mi vialte ca in ralrin peknak a fiang komi thil a si.

1 PETER 1:18

Nan pupa nih an in rohmi hna santlailo phunglam hna chungin an luattertu hna cu zeidah a si kha nan hngalh, a rawk khomi thil sui le ngun bantuk si loin

1 SIANGPAHRANG 15:3

Cun amah hlan i a pa nih a rak tuahmi sualnak vialte chungah khan a kal ve i a pu David lung bantuk kha si loin, a lung cu Bawipa a Pathian sinah khan a dihlak in aa biatak ngaingai lo.

DEUTERONOMI 23:17

“Israel mi fanu hna lakah biaknak hlawhhlang an um awk a si lo; Israel mi fapa hna lak zongah biaknak hlawhhlang an um awk a si lo.

1 SIANGPAHRANG 21:26

Israel mi nih ram kha an hun nam tikah an hmai in Bawipa nih ram chungin a dawimi hna Amor mi nih an biakmi siasal biaknak thil fihnung bik kha Ahab nih a tuah).

2 SIANGPAHRANG 23:7

Biaknak lei hlawhhlang an umnak inn, Bawipa inn chung i a ummi kha a hrawh hna; cuka ah cun khi nu hna nih khan Asherah caah puan an tak.

1 SIANGPAHRANG 22:47

Edom ram ah cun siangpahrang an um lo; a ai awhtu cu siangpahrang a si ko.