1 SIANGPAHRANG 14:9 - Lai (Hakha) Common Language Bible 2006
9 nang tu nih cun na hlan i a rak ummi vialte hna nakin thil ṭhalo na tuah deuh i pathian dang le thletmi milem kha na ser hna, ka thin na ka phawh i na hnulei ah na ka hlonh;
Cucaah cun mah hihi Bawipa Pathian bia an si: Nangmah nih na ka philh i na hnulei ah na ka hlonh caah na hornak le na zuanzamnak man cu nangmah nih na in lai,” tiah a ti.
“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.
Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.
A ka thawh i, “Mipa, khikhi na hmu maw? Hi thil fihnung hna hi thil hmetuai ah an rel caah maw Judah mi hna nih hin ram hi zaang-ennak in an khahter hi a si hnga? Ka thinhunnak damter an i zuam tik hmanh ah hin ka thin an ka phawh chin lengmang.
Kut bantuk a simi khi a hun samh i ka calsam in a ka tlaih. Thlarau nih van le vawlei karah a ka cawi i Pathian langhnak in Jerusalem ah a ka kalpi i chaklei hoihmi chungchin kutka luhnak ah khan a ka chiah; khika ah cun Hornak Siasal kha a um i cucu hornak lungthin thawhternak caah a si.
Cun Hinnom fapa nelrawn ah khan a fapa hna cu raithawinak ah a khangh hna i khuavang kawh le litin le eih kha a lenh i thitlawnthiam le khuavang kha aa ruaih tawn hna. Bawipa mithmuh i thil ṭhalo tampi kha a tuah i a thin kha a phawh.
Sihmanhsehlaw Manasseh nih a thin phawhnak a rak tuahmi vialte ruangah khan Judah cungah Bawipa thinhunnak kha a alh ko i cu a thinhunnak ṭih a nungmi cu a ṭhum hlei lo.
Zeitintiah a pa Hezekiah nih a rak hrawhmi khuahrum bo kha a remh ṭhan hna i Israel siangpahrang Ahab nih a tuah bantuk khan Baal le Asherah caah biakṭheng a ser hna i van i a ummi thil vialte khi a biak hna i an rian a ṭuan hna.
Nebat fapa Jeroboam sualnak chung i kal ve kha a zaang temi thil hei si seh law cu bang, Sidon mi hna siangpahrang Ethbaal fanu Jezebel kha nupi ah aa ṭhit i a kal i Baal kha a rian a ṭuan i a biak.
Cun Judah mi nih Bawipa mithmuh i a ṭha lomi thil kha an tuah i an pupa hna nih an tuahmi vialte nakin tam deuh in an tuahmi sualnak cun Bawipa cu a nahchuahnak an thawhter.
Annih nih pathian thar kha an i thim hna tikah, Kutka ah raltuknak kha a um. Israel mi sang li chungah khan Phaw siseh, fei siseh, hmuh awk a rak ram maw?
Pathian a si lomi thil in ka nahchuahnak an tuah i An siasal in ka thin an ka phawh, Cu bantukin miphun a si lomi in an nahchuahnak ka tuah ve lai i, A hrutmi miphun in an thin ka phawh ve hna lai.
Cun siangpahrang a can kate in Jeroboam innchungkhar vialte cu a thah dih hna; Bawipa nih a sal Ahijah Shilon mi sinah a rak chimmi bia ningte khan, a hrawh dih hlantiang, Jeroboam hrinthlak hna lakah khan thaw a chuahmi pakhat hmanh a ngan hna lo;
Cun Ahab nih Asherah pakhat a ser. Ahab nih amah hlan i a rak ummi Israel siangpahrang vialte hna nakkhan, Bawipa, Israel Pathian cu a thin a phawh deuh.
Ngakchia nih thing kha an khawmh, an pale nih mei an kau i nu nih changvut cet an nen i vancung bawinu caah changreu thlum an ser, cun thlet thawinak kha pathian dang hna sinah an pekchanh — hi vialte hi keimah thin hunter awk caah an tuahmi a si.
Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.
mah cucu, Jeroboam nih amah nih a sualmi sualnak hna le Israel mi a sualtermi hna sualnak ruang le Bawipa, Israel Pathian a thin a phawh caah khan a si.
Cun annih nih kulhmi khua hna le a rummi ram kha an tlaih hna i thil ṭha in a khatmi inn hna le cawhmi tikhor hna le mitsur dum hna le oliv dum hna le thei a tlaimi thingkung tampi hna cu an co hna; an ei hna i an khim i an thau i na ṭhatnak a nganmi ah khan an i lawm.