1 SIANGPAHRANG 14:6 - Lai (Hakha) Common Language Bible 2006

⁶ Sihmanhsehlaw innka i a vung luh i ke thawng kha Ahijah nih a theih tikah, “Rung lut tuah, Jeroboam nupi; zeicahdah midang bantuk naa siter? Zeitintiah nangmah ca i thawng chia ngai chim awk kha fial ka si.

1 SIANGPAHRANG 14:6 Խաչաձեւ Հղումներ

HEBRU 4:13

Pathian sinin thuh khawhmi thil zeihmanh a um lo. Sermi thil vialte hi an dihlak in a hmaika ah an lang dih hirhiar i amah sinah cun kan kong cu kan i chim cio lai.

MARKA 14:21

Cathiang nih a chimning in Mi Fapa cu a thi ko lai, sihmanhsehlaw Mi Fapa a rawitu ding cu, a caah a va poi hringhran dah! Cu pa cu chuak lo lawlaw in rak um seh law a caah a ṭha deuh hnga,” tiah a ti.

SALM 33:10

Miphun dang nih tuah an i timhmi kha Bawipa nih pakpalawng ah a canter i tling kho loin a umter hna.

JOB 5:13

Mifim hna cu anmah zernak lila ah khan a foih hna i Mihrokhrawl hna timhtuahnak cu khulrang in a dong.

1 SIANGPAHRANG 22:8

Cun Israel siangpahrang nih Jehoshafat cu, “Bawipa kan hal khawhnak ding mipa a dang pakhat a um rih, amah cu Imlah fapa Mikaiah a si; sihmanhsehlaw ka kong ah thil ṭha chim bal loin thil ṭhalo lawng kha a chim caah ka huat,” tiah a ti. Cun Jehoshafat nih cun, “Cuticun siangpahrang nih chim hlah seh,” tiah a ti.

1 SIANGPAHRANG 20:42

Cun anih nih a thawh i, “Hi bangin Bawipa nih, ‘Hrawh awkah kan pekchanh ciami kha nangmah nih na kut chungin na luatter caah, cucaah a nunnak caah na nunnak a kal lai i a mi hna caah na mi an si lai,’ a ti,” tiah a ti.

1 SIANGPAHRANG 14:5

Cun Bawipa nih Ahijah cu a thawh i, “Zohhmanh, Jeroboam nupi cu nangmah kha a fapa kong hal awkah na sinah a ra lio; zeitintiah amah cu a zaw. Amah cu hitin na rak chimh lai,” tiah a ti. A rat tikah nu dang bantuk aa siter.

1 SIANGPAHRANG 14:2

Cun Jeroboam nih a nupi kha a thawh i, “Tho law, Jeroboam nupi na si kha hngalh lo dingin i hleng law, Shiloh ah va kal tuah; zohhmanh, khika ah profet Ahijah kha a um, amah cu keimah kha, hi mi hna cungah siangpahrang na si lai, a ka titu kha a si.

1 SAMUEL 28:18

Nangmah nih Bawipa aw kha na zul lo i Amalek cung i a thinhunnak ṭihnung kha na tlinter lo caah, kha caah khan nihin ah hin Bawipa nih na cungah mah hi a tuah.

1 SAMUEL 15:26

Cun Samuel nih Saul cu, “Nangmah cu kan kirpi lai lo; zeitintiah Bawipa bia kha na al cang i, Bawipa nih Israel mi cung i siangpahrang na sinak khan an hlawt cang,” tiah a ti.

1 SAMUEL 15:16

Khi tikah Samuel nih Saul cu, “Ngol rih hmanh! Zahan ah Bawipa nih a ka chimhmi cu kan chim hmanh lai,” tiah a ti. Cun anih nih, “Chim ko,” tiah a ti.

1 SIANGPAHRANG 14:7

Va kal law Jeroboam kha, ‘Hi bangin Bawipa, Israel Pathian nih, “Nangmah cu mi zapi hna lakin kan hlorh i ka mi Israel mi hna hruaitu ah kan ser i

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.