1 SIANGPAHRANG 14:21 - Lai (Hakha) Common Language Bible 2006

²¹ Cun Solomon fapa Rehoboam nih khan Judah ram cu a pen. Pen hram aa thawk ah khan Rehoboam cu kum sawm li le kum khat a si i, Bawipa nih Israel mi phun vialte chungin amah min chiahnak caah aa thimmi Jerusalem khua ah khan kum hleisarih a bawi. A nu min cu Naamah a si, Ammon minu a si.

1 SIANGPAHRANG 14:21 Խաչաձեւ Հղումներ

2 CHANRELNAK 12:13

Cucaah Siangpahrang Rehoboam cu Jerusalem ah cun aa fehter i khika in a pen hna. Rehoboam cu bawi hram aa thawk tikah khan kum sawm li le kum khat a si i Jerusalem ah kum hleisarih a bawi, cu khua cu Israel miphun dihlak chungin khika i a min chiah awkah Bawipa nih aa thimmi a si. A nu min cu Naamah a si, amah cu Ammon mi a si.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 14:31

Cun Rehoboam cu a pupa hna sinah khan a it i David khua chungah khan a pupa hna sinah cun an vui. A nu min cu Naamah a si, amah cu Ammon minu a si. Cun a fapa Abijam kha amah hmun ah cun a hung bawi.

ISAIAH 12:6

Zion i a ummi paohpaoh cu au u law hla sa u. Israel Pathian thiang cu a lianngan i a mi hna sinah khua a sa.”

2 CHANRELNAK 13:7

cun Rehoboam cu a no i lungthin fek a ngeih rih hlanah khan, mizeiruaramlo le santlailo pawl kha a sinah an i ṭom i Solomon fapa Rehoboam cu an doh i anih nih a rak celh hna lo.

1 SIANGPAHRANG 11:43

Cun Solomon cu a pupa hna sinah a it i a pa David khua ah khan an vui; cun a fapa Rehoboam kha amah hmun ah cun a hung bawi.

1 SIANGPAHRANG 11:32

(sihmanhsehlaw ka sal David le Israel mi phun vialte chungin ka thimmi khua Jerusalem ruangah hin phun khat hi cu amah nih a co lai),

1 SIANGPAHRANG 8:44

“Cun na mi hna cu an ral doh awkah an kal ahcun, zei lam zongin na kalter hna a si ah, nangmah nih na thimmi khua hi le nangmah min caah ka sakmi inn lei hoih hin Bawipa sinah thla an cam ahcun,

1 SIANGPAHRANG 8:16

sihmanhsehlaw David cu ka mi hna cung i um awkah ka thim,’ tiin a kaa in a chimmi a biakamnak kha a kut in a tlintertu Bawipa, Israel Pathian cu thangṭhat si ko seh.

DEUTERONOMI 23:3

“Ammon mi siseh, Moab mi siseh, ahohmanh Bawipa mi hna aa pummi chungah cun an lut lai lo; chan hra tiang hmanh in cu miphun a simi hna cu Bawipa mi hna aa pummi chungah cun zungzal in an lut lai lo;

DEUTERONOMI 12:21

Bawipa nan Pathian nih a min chiahnak ah a thim laimi hmun cu nanmah sinin aa hlat tuk ahcun, khi tikah Bawipa nih an pekmi nan saṭil run chung i siseh, nan tuurun chung i siseh, nawl kan pek hna bang khan nan thah hna lai i nanmah nan khua chungah nan duh zat in nan ei hna lai.

DEUTERONOMI 12:5

Sihmanhsehlaw Bawipa nan Pathian nih a min chiahnak le a umnak i ser awkah nanmah phun chungin a thim laimi hmun cu nan kawl lai;

EXODUS 20:24

Vawlei in biakṭheng pakhat ka caah nan ser lai i cu cungah cun khangh thawinak le hawikomhnak thawinak ca i nan hmanmi nan caw le nan tuu hna kha nan khangh hna lai. Cuka hmun ah nan ka biak lai tiah kan timi hna hmun paoh ah khan nan sinah ka ra lai i thluachuahnak kan pek hna lai.

1 SIANGPAHRANG 14:20

Cun Jeroboam nih a pen chung cu kum kul le kum hnih a si; a pupa hna sinah khan a it i a fapa Nadab kha amah hmun ah cun a hung bawi.

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

1 SIANGPAHRANG 11:1

Siangpahrang Solomon nih cun miphun dang minu tampi a duh hna: Faro fanu tehna, Moab mi tehna, Ammon mi tehna, Edom mi tehna, Sidon mi tehna, Hit mi tehna kha a duh hna;

1 SIANGPAHRANG 12:17

Sihmanhsehlaw Judah ram khua chung i a ummi Israel mi kha cu, Rehoboam nih a uk hna.

1 SIANGPAHRANG 22:42

Jehoshafat cu pennak hram a thawk ah khan kum sawm thum le kum nga a ti i Jerusalem khua in kum kul le kum nga a uk. A nu min cu Shilhi fanu Azubah a si.

2 CHANRELNAK 12:1

Rehoboam uknak cu a feh i a ṭhawn tikah Bawipa phungbia cu a hlawt i amah sin ṭang Israel mi vialte zong nih khan an hlawt ve.