1 SIANGPAHRANG 14:11 - Lai (Hakha) Common Language Bible 2006

¹¹ Jeroboam chungkhar a simi paoh khuapi chungah a thimi cu uico nih an ei lai; ramlak i a thimi cu van i a zuangmi va nih an ei lai, zeicahtiah Bawipa nih a chim cang,” a ti,” tiah va chim.

1 SIANGPAHRANG 14:11 Խաչաձեւ Հղումներ

1 SIANGPAHRANG 16:4

Baasha ta a simi paoh khua chung i a thih ahcun uico nih an ei lai; ramlak i a thih ahcun van i a zuangmi va nih an ei lai,” tiah a ti.

JEREMIAH 15:3

“An cungah hrawktu phun li ka chiah lai, tiah Bawipa nih a ti: thattu ah vainam, sehtu ah uico, eitu ah van i a zuangmi va hna le hrawktu ah vawlei i a kalmi saram hna.

ISAIAH 66:24

“An chuah pah ah a ka dohtu hna an ruak kha an hmuh lai. An sa a eitu tholung kha zeitikhmanh ah an thi lai lo i a kanghtu hna mei kha zeitikhmanh ah a mit lai lo. Annih cu an hmuh hna tikah mi vialte cu an luak a chuak lai.”

1 SIANGPAHRANG 21:19

Cun amah cu na thawh lai i, ‘Hi bangin Bawipa nih, “Na thah cang i a ro zong na co cang maw?” a ti,” na ti lai. Cun nangmah nih amah cu na thawh lai i, ‘Bawipa nih hi bangin: “Uico nih Naboth thi an liahnak hmun ah khan uico nih nangmah na thi an liah lai,” a ti,’ tiah na chimh lai,” tiah a ti.

2 SIANGPAHRANG 9:9

Cun Ahab innchungkhar cu Nebat fapa Jeroboam innchungkhar bantuk ah khan le Ahijah fapa Baasha innchungkhar bantuk ah khan ka ser lai.

JEREMIAH 34:20

An ral hna sinah ka pek hna lai. Anmah thah a duhmi hna sinah khan ka chanh hna lai i an ruak cu va le ramlak saram nih an ei hna lai.

1 SIANGPAHRANG 13:34

Cun mah hihi Jeroboam innchungkhar an ci a hmittu le vawlei cungin a hrawktu hna sualnak ah khan a cang.

1 SIANGPAHRANG 15:29

Cun siangpahrang a can kate in Jeroboam innchungkhar vialte cu a thah dih hna; Bawipa nih a sal Ahijah Shilon mi sinah a rak chimmi bia ningte khan, a hrawh dih hlantiang, Jeroboam hrinthlak hna lakah khan thaw a chuahmi pakhat hmanh a ngan hna lo;

1 SIANGPAHRANG 16:3

zohhmanh, Baasha le a innchungkhar cu ka hloh cikcek hna lai i na innchungkhar hi Nebat fapa Jeroboam innchungkhar bantuk ah ka ser lai.

ISAIAH 40:5

Cun Bawipa sunparnak cu a lang lai i mi vialte nih an hmuh lai. Hi biakamnak cu Bawipa hrimhrim nih a tuahmi a si,” a ti.