1 SIANGPAHRANG 14:10 - Lai (Hakha) Common Language Bible 2006

¹⁰ cucaah zohhmanh, Jeroboam innchungkhar cungah ṭhat lonak ka tlunter lai i Jeroboam sin hin pa paohpaoh, Israel mi chung i miluat si hna seh, miluat lo si hna seh, ka hloh hna lai i, mi nih ek cu an khangh hirhiar bangin, Jeroboam innchungkhar cu ka khangh cikcek hna lai.

1 SIANGPAHRANG 14:10 Խաչաձեւ Հղումներ

2 SIANGPAHRANG 14:26

Zeitintiah Israel mi nih hremnak an inmi cu a fak ngaingai ti kha a hmuh, zeitintiah ahohmanh an tang ti lo, sal si hna seh, miluat si hna seh, Israel bawmtu dingah pakhat hmanh an tang ti lo.

1 SIANGPAHRANG 21:21

Zohhmanh, nangmah cungah ṭhat lonak ka tlunter lai; kan hloh cikcek lai i Israel mi chungah Ahab ta a simi pa paohpaoh cu, a luatmi siseh, a luat lomi siseh, ka hrawh dih hna lai;

DEUTERONOMI 32:36

Zeitintiah, an ṭhawnnak kha a loh cang i Khihmi siseh, a luatmi siseh, Pakhat hmanh an tang ti lo ti kha Bawipa nih a hmuh tikah, A mi cu thiam a coter hna lai i A sal hna cungah zaangfahnak a ngei lai.

MALAKHI 2:3

Nan ban kha kan tan hna lai i nan hmaiah ek in kan cheh hna lai, nan puai ca i nan pekchanhmi saṭil ek cun kan cheh hna lai: cun ka hmaika khan kan dawi hna lai.

ZEFANIAH 1:17

Bawipa nih, “Minung cungah a fakmi harnak kha ka tlunter lai; Bawipa cung i an sual ruangah khan mitcaw bantukin an i chawk lai. An thi cu ti bantukin thlet a si lai i an ruak zong ek bantukin hlonh a si lai,” a ti.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

EZEKIEL 26:4

Tair ralhau kha an hrawh dih hna lai i a innsang kha an chimh dih hna lai. A vawlei kha ka ziah dih lai i a tleu in a tleumi lungpang ah ka ser lai.

JEREMIAH 8:2

Cun annih nih an rak duh hna i an rian an rak ṭuan hna i an rak dawi hna i an rak kawl hna i an rak biakmi hna, ni le thlapa le van ralkapbu vialte hna hmaiah khin an pho hna lai. Cu ruh hna cu pumh an si lai lo, vui zong an si lai lo, vawlei ah non ah an cang lai.

ISAIAH 14:23

Babilon cu tibual ah ka canter lai i khika ah chimbu an um lai. Zeizong vialte a phiak dihtu hmunphiah in Babilon cu ka phiah lai. Ralkapbu Bawipa nih hi bia cu ka chim,” a ti.

ISAIAH 14:19

sihmanhsehlaw nang cu thlan na ngei lo i a thut in va thut lak awkah na ruak cu a hlonh in hlonh a si. Na ruak cu raltuknak hmun i a thimi ralkap hna ruak nih khan a khuh i cu hna sinah cun lung khor chungah hlonh le lamh chih a si.

ISAIAH 5:25

Bawipa cu a mi hna cungah a thin a hung i anmah kha dantat awkah a kut a samh. Tlang cu an i hnin lai i a thimi cu an ruak kha zatlang lam ah an ril lai. Cu ti a si hmanh ahcun Bawipa thinhunnak cu a dong rih lai lo i dantatnak pek awkah a kut cu aa samh ko rih lai.

SALM 83:10

Sisera le Jabin cu Endor ah na sunghter hna i an ruak cu vawlei ah a rop.

JOB 20:7

Amah ek bantukin a lo ṭhan ko lai; Amah a rak hmumi hna nih khan, ‘Khuazei ah dah a um?’ an ti lai.

2 SIANGPAHRANG 21:13

Cun Jerusalem cungah hin Samaria tahnak hri le Ahab innchungkhar suthri thlaimi cu ka zam hna lai i mi nih kheng cu an hnawh i an hnawh dih in a khup in an chiah bang khin Jerusalem cu ka hnawh lai.

2 SIANGPAHRANG 9:37

cun Jezebel cu Jezreel ram chung lo ah khan ek bantuk a si lai caah, hihi Jezebel a si, tiah ahohmanh nih an ti kho lai lo,’ ti in,” tiah a ti.

1 SIANGPAHRANG 16:11

Pen hram a thawk tikah khan, a bawi ṭhutdan cung i a hung ṭhut cangka cun, Baasha innchung khar vialte kha a thah dih hna; a rualchan si hna seh, a hawikom si hna seh, pa pakhat hmanh a zuah hna lo.

1 SAMUEL 25:34

Zeitintiah nangmah kha fahnak peknak in a ka khamtu Bawipa, Israel Pathian nih a nun hrimhrim bantukin, keimah ton awkah khan khulrang in rak ra hlah law, thaizing zingka ah cun Nabal caah hin pa pakhat hmanh an tang ti hnga lo,” tiah a ti.

1 SAMUEL 25:22

thaizing tiang amah ta a simi a pa pakhat zong ka nganh a si ahcun, hi bantukin Pathian nih David cungah tuah seh law, hi nak tam deuh zongin tuah ko seh,” tiah a rak ti.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.

1 SIANGPAHRANG 13:34

Cun mah hihi Jeroboam innchungkhar an ci a hmittu le vawlei cungin a hrawktu hna sualnak ah khan a cang.

1 SIANGPAHRANG 16:3

zohhmanh, Baasha le a innchungkhar cu ka hloh cikcek hna lai i na innchungkhar hi Nebat fapa Jeroboam innchungkhar bantuk ah ka ser lai.

JEREMIAH 32:18

Minung thong tampi cungah khan zumhawktlak na sinak kha na langhter peng ko, sihmanhsehlaw an pale sualnak man kha an hnu i a hung ummi an fale cungah khan na tlunter fawn.