1 SIANGPAHRANG 13:26 - Lai (Hakha) Common Language Bible 2006

²⁶ Cun lam in a hun kirpi ṭhantu profet nih khan mah cucu a theih tikah, “Pathian mi, Bawipa bia zulh a duh lo mipa kha a si cu ta; cucaah Bawipa nih amah cu a chimhmi bia ningin, Bawipa nih amah cu chiandeih kha a pek i a rak thleh bauh i a rak thah,” tiah a ti.

1 SIANGPAHRANG 13:26 Խաչաձեւ Հղումներ

EZEKIEL 9:6

An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu si hna seh, that dih hna u; sihmanhsehlaw hmelchunhnak a ngeimi kha cu ahohmanh tawng hna hlah u; ka hmunthiang khan i thawk u,” tiah a ti thawng kha ka theih. Cucaah biakinn hmai khan upa hna nih cun an i thawk.

1 KORIN 11:30

Cucaah cun pei mi tampi nan zawt nan fah i a thih zong tlawmpal cu nan thihphah kha a si cu.

PHUNGTHLÛKBIA 11:31

Miding hna nih vawlei cungah hin an hmuh awk hnga kha an hmuh ahcun miṭhalo hna le misual hna nih cun zeitluk in dah an hmuh chinchin lai.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

2 SAMUEL 12:14

Sihmanhsehlaw mah hi thil na tuah thawngin Bawipa kha na zawmhtaih ngaingai cang caah, na hrinmi na fa cu a thi lai,” tiah a ti. Cun Nathan cu a inn ah a ṭin.

2 SAMUEL 12:10

Cun nangmah nih na ka zawmhtaih i Hit mi Uriah nupi kha na nupi ah naa lak caah, cucaah vainam cu na inn in aa ṭhen bal lai lo,’ a ti.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

1 PETER 4:17

Biaceihnak thawk caan cu a phan cang i biaceih hmasa bik ding cu Pathian mi hna kha an si lai. Kanmah in thawh a si ahcun, Pathian sinin a rami Thawngṭha a zum lomi hna kha, zeitindik an donghnak a va si te ual lai?

1 SIANGPAHRANG 13:25

Cun zohhmanh, mi an va kal i lam i a ruak a rilh ko i a ruak pawng i chiandeih a dir ko kha an hmuh. Cun an ra i profet tarpa a umnak khua ah khan mah cucu an ra chim.

1 SIANGPAHRANG 13:27

Cun a fapale kha a thawh hna i, “Laa kha ka danhpiak u,” tiah a ti hna. Cun annih nih an danh.