1 SIANGPAHRANG 13:21 - Lai (Hakha) Common Language Bible 2006

²¹ Judah ram in a rami Pathian mi sinah khan, “Hi bangin Bawipa nih, ‘Bawipa bia kha na ngaih lo i Bawipa na Pathian nih nawl an pekmi nawlbia cu na zulh lo i,

1 SIANGPAHRANG 13:21 Խաչաձեւ Հղումներ

BIAPHUAN 3:19

Ka dawtmi cu ka chimhhrin hna i dan ka tat tawn hna. Cucaah cun i biatak law na sualnak kha mertak hna.

JEREMIAH 2:19

Nangmah dan an tattu cu na ṭhat lonak kha a si ko lai i Sual an phawtu cu na tlaunak kha a si ko lai. Bawipa na Pathian hlawt le keimah upat ti lo cu Na caah zeitluk in dah a ṭhat lo i zeitluk in dah a khaat fawn, ti kha hngal tuah; Mah hihi Ralkapbu Bawipa Pathian bia hrimhrim a si.

ESTHER 6:13

Cun Haman nih a nupi Zeresh le a hawikom vialte kha a cung i a tlungmi thil vialte cu a chimh hna. Cun a nupi Zeresh le a mifim hna nih cun an thawh i, “A hmaiah tluk hram naa thawkmi Mordekai cu Judah mi a si ahcun amah cu na tei lai lo, sihmanhsehlaw nangmah tu kha a hmaiah cun na tlu hrimhrim lai,” tiah an ti.

1 SIANGPAHRANG 13:17

zeitintiah Pathian bia nih hi bangin ka sinah, ‘Khika ah rawl zong na ei lai lo i ti zong na ding lai lo, na ratnak lam zongin na kir lai lo,’ a ti,” tiah a ti.

2 SAMUEL 24:13

Gad cu a sinah khan a va kal i Bawipa nih a chimhmi kha a va chimh i, “Zeidah naa thim lai? Na ram chung i kum thum mangṭam maw, na ral hna sinin thla thum zam maw, na ram chung i ni thum chung rai tlun dah? Cucaah i ruat law Bawipa sinah zei bialehnak dah ka kirpi lai ka chim tuah,” tiah a ti.

2 SAMUEL 6:7

Cun Bawipa thinhunnak cu Uzzah cungah a alh i a kut in kuang kha a hei banh caah Pathian nih khika ah a tuk i cuka ah Pathian kuang kiangah khan a thi.

1 SAMUEL 15:19

A si kun ahcun, zeicahdah Bawipa aw cu na zulh lo? Zeicahdah hranchaw kha na zuanhnawh i Bawipa hmai i thil ṭhalo kha na tuah?” tiah a ti.

1 SAMUEL 4:18

Pathian kuang, ti a vun chim tikah khan Eli cu, kutka pawng i a ṭhutdan cung khan hnulei ah aa ngal; a hngawng a kiak i a thi, zeicahtiah amah cu a tarmi a si i a rit fawn. Israel mi cu kum sawm li bia a ceih hna.

NAMBAR 20:24

“Aaron cu a mi hna sinah pumh a si cang lai; Meribah ti ah khan ka nawlbia nan doh caah, Israel mi hna ka pekmi ram ah khan a lut lai lo.

NAMBAR 20:12

Cun Bawipa nih Moses le Aaron cu, “Nan ka zumh lo i Israel mi hna mithmuh ah nan ka thianter lo caah, cucaah nannih nih cun hi mirun hi ka pekmi hna ram chungah nan luhpi hna lai lo,” tiah a ti hna.

LEVITIKAS 10:3

Khi tikah Moses nih Aaron sinah, “Mah hihi Bawipa nih a chimmi cu a si, ‘Ka pawng i a ummi hna lakah thianghlim in kaa langhter lai i mi vialte hmaiah thangṭhat ka si lai,’ a ti,” tiah a ti. Cun Aaron cu dai tein a um ko.

GENESIS 3:7

An ei dih cangka in hngalhnak kha an vun hmu i taklawng an si kha an i hngal; cucaah theipi hnah kha an i ṭhit i an i hruk.

1 SIANGPAHRANG 13:20

Cun cabuai i an ṭhut lioah khan a kirpi ṭhantu profet sinah khan Pathian bia cu a ra i,

1 SIANGPAHRANG 13:22

sihmanhsehlaw na ra kir i, “Rawl ei hlah, ti ding hlah,” tiah a tinak hmun ah khan rawl na ei i ti na din caah, na pum cu na pupa hna thlan ah a phan lai lo,’ a ti,” tiah a au.

1 SIANGPAHRANG 20:36

Cu tikah anih nih, “Bawipa aw kha na ngaih lo caah, zohhmanh, ka sin i na kal cangkate hin chiandeih nih an seh lai,” tiah a ti. Cun a sinin a kal cangkate cun chiandeih nih a rak ton i a seh taktak.