1 SIANGPAHRANG 12:32 - Lai (Hakha) Common Language Bible 2006

³² Cun Jeroboam nih thla riatnak thla a ni hleinga ni ah khan, Judah ram chung i a ummi puai bantuk puai pakhat ngeih awk a si lai, a ti i biakṭheng cungah raithawinak kha a pekchanh hna; cu bangin Bethel khua ah cun a tuah, amah nih a sermi cawfa hna kha raithawinak a pekchanh hna. Cun khuahrum bo a sermi ca i tlangbawi hna cu Bethel ah a chiah hna.

1 SIANGPAHRANG 12:32 Խաչաձեւ Հղումներ

1 SIANGPAHRANG 8:5

Cun Solomon Siangpahrang le Israel mi bu vialte, a hmai i aa pummi hna nih cun amah he kuang hmaiah khan tuu le cawtum tam tuk hringhran an thawi hna caah zeizat an si kha hngalh cawk le rel cawk an si lo.

1 SIANGPAHRANG 8:2

Cun thla sarihnak thla a simi Ethanim thla chung puai ah khan Israel mi vialte cu Siangpahrang Solomon sinah an i pum.

EZEKIEL 43:8

An innleng cu ka innleng pawngah an chiah i an innka tung cu ka innka tung pawngah an bunh, cun keimah le annih karlak ah cun vampang a um i annih nih ka minthiang cu thil fihnung an tuahnak khan an thurhhnawmh i ka thinhun in ka hrawh hna.

1 SIANGPAHRANG 13:33

Hi thil hnu zongah hin Jeroboam cu lam ṭhalo a zulhmi khan aa mer hlei lo, sihmanhsehlaw khuahrumbo ca i tlangbawi cu mi zapi lak khan a ser hna; tlangbawi si a duhmi paoh kha khuahrumbo tlangbawi caah cun a thianter duahmah ko hna.

EXODUS 32:5

Cun Aaron cu a thin a phang i sui cawfa hmaiah cun biakṭheng pakhat a ser i mi zapi cu, “Thaizing ah Bawipa upatnak caah puai a um lai,” tiah a thanh hna.

BIACEIHTU 17:5

Cun Mikah nih cun hmunthiang pakhat a ngei i tlangbawi angki le milem tete a ser hna i, a fapa pakhat cu a thianter i a tlangbawi ah a cang.

1 SIANGPAHRANG 13:1

Cun zohhmanh, Judah ram chungin Pathian mi pakhat, Bawipa bia thawngin Bethel ah a ra. Jeroboam kha zihmui khangh awkah biakṭheng pawngah khan a rak dir ko.