1 SIANGPAHRANG 12:28 - Lai (Hakha) Common Language Bible 2006

²⁸ Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 12:28 Խաչաձեւ Հղումներ

2 SIANGPAHRANG 17:16

Annih nih Bawipa an Pathian nawlbia vialte kha an hlawt i thletmi siasal cawfa pahnih kha an i ser i, Asherah kha an i ser fawn; van i a ummi thil vialte khi an biak hna i Baal kha a rian an ṭuan.

2 SIANGPAHRANG 10:29

Sihmanhsehlaw Nebat fapa Jeroboam nih Israel mi a rak sualter hnanak, sui cawfa Bethel i a ummi kha le Dan i a ummi hna kha a pialtak hna lo.

EXODUS 32:8

Nan zulh lai tiah ka timi hna lam cu khulrang in an kaltak i sui cawfa kha an i ser i cucu an biak i raithawinak kha an pek. Annih nih, ‘Israel, Izipt ram in a chuahtertu na pathian cu hihi a si,’ an ti,” tiah a ti.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

2 CHANRELNAK 11:15

a sermi khuahrum bo hna le mehehtum hna ca le cawfa hna caah khan amah a fapale hna kha tlangbawi ah a ser hna.

2 PETER 2:19

Luatnak nan hmu lai, tiah bia an kamh hna, sihmanhsehlaw anmah hmanh kha, rawhralnak a phakpitu hna an ziaza sal kha an si — minung hi a teitu paoh sal a si ko.

ISAIAH 30:10

Profet pawl kha, dai tein um ko u, an ti hna. An thawh hna i, “Zeidah a ding ti kha kan chim hlah u, theih kan duhmi kha ta nan kan chimh ko. Kan i ruahning in va um ko u sih.

ISAIAH 30:1

Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak ṭinak an tuah, sualnak pakhat cungah a dang pakhat an chap chin lengmang.

EXODUS 20:4

“Vancung i a ummi thil si hna seh, vawlei i a ummi thil si hna seh, ti chung i a ummi thil si hna seh, vawlei tang i a ummi thil si hna seh, cu hna mui he aa lo in siasal zeihmanh nan i ser lai lo.

EXODUS 1:10

An tam chin lengmang ti nakhnga lo an cungah fim ngaiin kan ṭuan a hau lai. Ral a thawh sual ahcun kan ral hna sin tu ah khan an i ṭawm lai i kanmah kha an kan doh lai i kan ram hin an chuak lai,” a ti hna.

EXODUS 32:25

An pawngkam ah ral ṭihnung an um ko nain, Aaron nih khan siasal biaknak leiah a thlahdorh hna caah Israel mi cu an duhduh in an um cio ko ti kha Moses nih a hmuh.

1 SIANGPAHRANG 14:9

nang tu nih cun na hlan i a rak ummi vialte hna nakin thil ṭhalo na tuah deuh i pathian dang le thletmi milem kha na ser hna, ka thin na ka phawh i na hnulei ah na ka hlonh;

1 SIANGPAHRANG 15:26

Bawipa mithmuh i thil ṭhalo kha a tuah i a pa lam kha a zul ve i a pa nih Israel mi a sualter hnanak a sualnak kha a tuah ve.

1 SIANGPAHRANG 16:19

mah cucu amah nih a tuahmi sualnak le Bawipa mithmuh i ṭhat lonak a tuahmi le Jeroboam lam a zulhnak le Israel mi a sualter hna ruangah khan a si.

2 CHANRELNAK 11:14

Levi mi hna nih an i hrawmmi ram hna le an thilri kha an kaltak hna, zeicahtiah Jeroboam le a fapale hna nih khan Bawipa tlangbawi rian an ṭuannak khan an dawi hna i

2 CHANRELNAK 13:8

“Atu cu mi tampi nan si ca le Jeroboam nih pathian an serpiakmi hna sui cawfa kha nan sinah nan i chiah hna caah nannih nih David fapa hna kut chung i Bawipa pennak cu doh awkah nan ruah.

2 CHANRELNAK 15:3

Caan saupi chung Israel cu Pathian ngaingai ngei lo le cawnpiaktu tlangbawi ngei lo le phungbia loin an um;

2 CHANRELNAK 17:4

sihmanhsehlaw a pa Pathian kha a kawl i Israel mi nih an zulhmi lam si loin a nawlbia kha a zulh.

2 CHANRELNAK 21:6

Cun Ahab innchungkhar nih an tuah bantuk khan, Israel siangpahrang hna lam kha a zul; zeitintiah a nupi cu Ahab fanu a si. Cun Bawipa mithmuh i thil ṭhalo kha a tuah.

EZEKIEL 23:8

Izipt ram i a vung i thiammi hornak lam kha ngol a duh lo, khika ah a no lioah khan pa nih an rak ihpi i a thiangmi a hnuk kha an rak hmehpiak i an rak sual.

DANIEL 3:1

Siangpahrang Nebukhadnezzar nih sui milem pakhat, a san pe sawm kua, a ngan pe kua a simi kha a ser i Babilon ram Dura nelrawn ah cun a dirter.

HOSEA 10:8

Israel mi nih sualnak an tuahnak hmunthiang hna cu hrawh an si lai, Aven i a ummi khuahrumbo hna cu hloh an si lai; An biakṭheng hna cu hling le belh nih a zual hna lai i Tlang cu, “Kan nenh ko u,” an ti hna lai i fing cu “Kan tlak ko u,” an ti hna lai.

AMOS 5:5

Nun nan duh ahcun keimah sinah ra u, Bethel ah kal hlah u, Gilgal ah kal hlah u; Zeicahtiah Gilgal cu kalpi a si lai i Bethel cu siasal inn ah a cang lai.

AMOS 8:14

Cun Samaria pathiannu Ashimah in chiat a ser i, ‘Maw Dan, na pathian nunnak in chiat ka ser,’ a ti i ‘Beersheba lei lam tiangin chiat ka ser,’ a timi vialte cu Tho ti lo dingin an tlu lai.

1 SAMUEL 27:1

Cun David nih a lung chungin, “Ni khatkhat cu Saul kut hin ka thi te lai; Filistin mi hna ram i ka va zam nakin a ṭha deuhmi thil ka caah a um ti lo; khi tikah Saul cu Israel ram chung i keimah kawl kha a lung a dong lai i a kut chungin ka luat lai,” tiah a ti.

2 SIANGPAHRANG 17:8

Bawipa nih Israel mi hna hmai in a dawimi hna miphun hna phunglam le Israel siangpahrang hna nih an lakchommi phunglam hna kha an zulh hna.

2 CHANRELNAK 33:7

Cun amah nih a sermi siasal milem cu Pathian inn chungah khan a chiah. Cun inn kongah cun Pathian nih David le a fapa Solomon sinah khan, “Israel phun dihlak chungin ka thimmi Jerusalem le hi inn chungah hin zungzal in ka min cu ka chiah lai;

PHUNGTHLÛKBIA 14:12

Lam dik tiah na ruahmi kha thihnak lei kalnak lam a si kho ko.

EZEKIEL 16:26

A hormi na innpa Izipt he khan sualnak na tuah i sualnak na tuahmi a rel in rel cawk a si lomi nih khan ka thin a ka phawh.

HOSEA 10:10

Hi misual miphun hi ka doh hna lai i dan ka tat hna lai. Anmah doh awkah miphun tampi kha an ṭang ṭi lai i an sualnak a tammi ruangah hin dantatnak an in lai.