1 SIANGPAHRANG 12:19 - Lai (Hakha) Common Language Bible 2006

¹⁹ Cucaah Israel mi nih cun David innchungkhar hna cu nihin tiangin an doh hna.

1 SIANGPAHRANG 12:19 Խաչաձեւ Հղումներ

2 SIANGPAHRANG 17:21

Israel kha David innchungkhar sinin a thleh tikah Nebat fapa Jeroboam cu siangpahrang ah an ser. Cun Jeroboam nih Israel cu Bawipa zulhnak khan a pialpi i a nganmi sualnak kha a tuahter hna.

2 CHANRELNAK 10:19

Cucaah Israel mi hna nih cun David innchungkhar cu nihin ni tiang hin an doh hna.

HEBRU 6:6

Cun annih cu an tlu. Annih cu ngaihchihnak ah kirpi ṭhan khawh an si ti lo. Pathian Fapa kha vailam ah an khenh ṭhan ca le zapi hmaiah ningzak ngaingai in an tuah ṭhan caah ngaihchihnak ah kirpi ṭhan khawh an si ti lo.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

2 CHANRELNAK 13:17

Abijah le a mi hna nih khan tampi an thah hna; cucaah Israel mi thim ciammammi sing nga an thi.

1 SAMUEL 10:19

Sihmanhsehlaw nihin ni ah hin nannih nih, vanchiat nan tonmi vialte le nan harnak vialte chungin an khamhtu hna nan Pathian cu nan hlawt i, ‘Sihlah! kan cungah siangpahrang pakhat kan chiahpiak ko,’ nan ti. Cucaah atu cu Bawipa hmaiah, nan phun cio ning le nan chung cio ningin, chuak tuah u,” tiah a ti.

JOSHUA 4:9

Cun Joshua nih Jordan tiva laifang, biakamnak kuang a putu tlangbawi hna ke dirnak hmun ah khan, lung pahleihnih a bunh hna i khika ah nihin ni tiangin an um ko.

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.