1 SIANGPAHRANG 12:16 - Lai (Hakha) Common Language Bible 2006

¹⁶ Cun Israel mi vialte nih, siangpahrang nih kan bia a ngai lo ti kha an hmuh tikah, mi zapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam ah kal dih u! David, nangmahte nih na inn chungkhar cu i zohkhenh ko,” an ti. Cucaah Israel mi cu an thlam cio ah an tlung.

1 SIANGPAHRANG 12:16 Խաչաձեւ Հղումներ

2 SAMUEL 20:1

Cun khika ah khan mizeiruaramlo pakhat, a min Sheba a simi, Benjamin miphun Bikhri fapa kha a rak um ngelcel i muko kha a tum i, “David chungah covo zeihmanh kan ngei lo, Jesse fapa chungah ro zeihmanh kan ngei lo; Maw Israel mi hna, nanmah le nan thlam cio ah kal dih u!” tiah a ti.

JEREMIAH 33:21

David ka sal he ka biakamnak zong kha a rawk kho ve lai i a tefa hna kha pakhat hmanh a bawiṭhutdan cung i a ṭhu ding um loin a si kho ve ko lai; cun Levi mi ka tlangbawi ka rianṭuantu hna he ka biakamnak zong, cu bantuk ṭhiamṭhiam in a si ve kho ko hnga.

2 CHANRELNAK 10:16

Cun Israel mi vialte nih siangpahrang nih kan bia a ngai lo ti kha an hmuh tikah, mizapi nih cun siangpahrang cu an leh i, “David chungah zei covo dah kan ngeih? Jesse fapa chungah ro kan ngei lo. Maw Israel, nan thlam cio ah kal dih u! David, nangmahte nih na innchungkhar cu i zohkhenh ko,” an ti. Cucaah Israel mi vialte cu an thlam cio ah an tlung dih.

ISAIAH 7:2

Judah siangpahrang nih Siria ralkap hna cu Israel ram chung kha an phan cang, ti kha a theih tikah, amah le a mi hna cu an thin a phang tuk hringhran i thlitu nih thingkung a hninh bantuk khin an i hnin.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

1 SIANGPAHRANG 22:36

Cun ni a tlak hnik lioah khin, ralkapbu chungah cun, “Nanmah le nan khua cio, nanmah le nan ram cio ah tlung dih u luao,” tiin au thawng pakhat a hung um.

1 SIANGPAHRANG 22:17

Cun anih nih a thawh i, “Israel mi vialte cu khaltu a ngei lomi tuu bantukin tlang cung i an i ṭhek dih kha ka hmuh; cun Bawipa nih, ‘Hi hna hi bawi an ngei lo, anmah le an inn cio ah dai tein kir hna seh,’ a ti,” tiah a ti.

1 SIANGPAHRANG 11:39

Cun hi ruangah hin David tefa hna cu hremnak ka pek hna lai, asinain zungzal cun a si lai lo,’ a ti,” tiah a ti.

1 SIANGPAHRANG 11:36

Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 11:34

Asinain pennak cu a ning piin a kut chungin ka la lai lo; sihmanhsehlaw ka thimmi ka sal David ka nawlbia hna le ka phungbia hna a zultu ruangah khan a chan chung paoh cu uktu ka siter ko lai;

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.

2 SAMUEL 16:11

Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.

2 SAMUEL 15:13

Cun lamkaltu pakhat David sinah khan a ra i, “Israel mi cu Absalom leiah an lungthin a tlu cang,” tiah a ti.

BIACEIHTU 8:35

cun Jerubbaal (cucu Gideon kha a si) innchungkhar cung zongah khan, Israel mi cung i ṭhatnak a tuahmi vialte caah khan, zaangfahnak an langhter lo.

LUKA 19:27

Cun an siangpahrang si awkah a ka duh lotu ka ral hna kha cu, hika ah hin ratpi hna u law ka hmaiah that hna u, a ti,’ ” tiah a ti.

LUKA 19:14

A ram mi nih cun amah cu an huat i, ‘Hi pa hi kan siangpahrang si awkah kan duh lo,’ tiin lamkal a hnu in an hei thlah hna.

JOHAN 13:8

Peter nih cun, “Ka ke cu na ka ṭawl bal hnga lo,” tiah a ti. Jesuh nih cun, “Na ke kan ṭawl lo ahcun, a ka zultu na si ti hnga lo pei,” tiah a leh.

1 SIANGPAHRANG 11:11

Cucaah Bawipa nih Solomon cu a thawh i, “Mah hihi na lungthin a si i nawl kan pekmi ka biakamnak le ka nawlbia kha na zulh hna lo caah, nangmah sin hin pennak hi ka thleh hrimhrim lai i na sinum sinah ka pek lai.

1 SIANGPAHRANG 11:35

sihmanhsehlaw a fapa kut chung khan pennak cu ka lak lai i nangmah cu kan pek lai, phun hra hna cu.

ISAIAH 7:17

“Israel pennak le Judah pennak an i ṭhennak in atu tiangah harnak a tlungmi vialte hna nakin a har deuhmi harnak cu nangmah le na mi hna le siangpahrang innchungkhar dihlak cungah Bawipa nih a tlunter lai — cu a tlunter dingmi cu Assiria siangpahrang kha a si!

BIACEIHTU 9:28

Cun Ebed fapa Gaal nih, “Abimelek cu ahodah a si i kannih Shekhem khua mi cu ahodah kan si i a rian kan hei ṭuan hnga cu? Jerubbaal fapa le a rianṭuantu bawi Zebul nih khan Shekhem pa Hamor i a mi hna kha an rian an rak ṭuanpiak hna lo maw? Cu ti a si ahcun, zeicahdah amah cu a rian kan ṭuanpiak lai?

PHUNGTHLÛKBIA 15:1

Lehnak nem nih thinhunnak a damter, sihmanhsehlaw biahrang nih cun thin a phawh.

MARKA 3:24

Ram pakhatkhat cu a bubu in aa ṭhen i anmah le anmah kha an i doh ahcun, zeitindah cu ram cu a dir khawh lai?