1 SIANGPAHRANG 12:15 - Lai (Hakha) Common Language Bible 2006

¹⁵ Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Bawipa nih mah ti hin thil kha a mersan.

1 SIANGPAHRANG 12:15 Խաչաձեւ Հղումներ

1 SIANGPAHRANG 12:24

hi bangin Bawipa nih, ‘Nan hung kal awk a si lai lo i nan unau Israel mi cu a doh zong nan hung do hna lai lo. Hi thil cu keimah sinin a rami a si caah nan inn cio ah kir dih u,’ a ti, tiah va chim,” tiah a ti. Cucaah Bawipa bia cu an ngaih i Bawipa bia bangin an inn cio ah an kir ṭhan.

BIACEIHTU 14:4

A nu le a pa nih mah cucu Bawipa sinin a si kha an hngal lo; zeitintiah Filistin mi kha doh awkah caan rem a kawl. Cun caan lioah cun Filistin mi nih Israel mi kha an uk hna.

DEUTERONOMI 2:30

Sihmanhsehlaw Heshbon siangpahrang Sihon nih cun a ram chung cun a kan lanhter duh lo; nihin ni i a si bang hin amah cu nan kut chungah an pek hna nakhnga, Bawipa nan Pathian nih a thlarau kha a hahter i a lung kha a khonter caah a si.

2 CHANRELNAK 25:20

Sihmanhsehlaw Amaziah nih a ngai duh lo; zeicahdah a si ti ahcun, anih nih Edom pathian hna kha a kawl hna caah a ral hna kut chung i pek ding kha Pathian nih a tuahmi a si.

2 CHANRELNAK 22:7

Sihmanhsehlaw Pathian nih a rak ruahning ah hin Ahaziah ṭumchuknak cu Joram a vung tlawnnak hin tlung dingin a rak si. Zeitintiah khika a phak tikah Joram he khan an chuak i Bawipa nih Ahab innchungkhar hrawktu dingah chiti a thuhmi Jehu, Nimshi fapa kha an ton.

2 CHANRELNAK 10:15

Cucaah siangpahrang nih mi cu an bia a ngai hna lo; zeitintiah Bawipa nih Shilon mi Ahijah kha hmang in Nebat fapa Jeroboam sinah bia a chimmi kha tlinter awk caah Pathian nih mahtihin thil kha a mersan.

1 SIANGPAHRANG 11:11

Cucaah Bawipa nih Solomon cu a thawh i, “Mah hihi na lungthin a si i nawl kan pekmi ka biakamnak le ka nawlbia kha na zulh hna lo caah, nangmah sin hin pennak hi ka thleh hrimhrim lai i na sinum sinah ka pek lai.

LAMKALTU 4:28

Nangmah nih a hung um te lai ding na rak ruah ciami le na rak khah ciami vialte kha tlinter awkah an i pum.

LAMKALTU 2:23

Pathian nih Jesuh cu nan sin i pek awkah khan a rak ruah ciami le a rak khiah ciami a si bangin nannih nih amah cu nan thah, misual mi hna kha amah cu vailamtahnak thing cungah thir in nan khenhter hna.

AMOS 3:6

Khua chungah muko cu tum a si tikah mi cu lau loin an um bal maw? Khua chungah vanchiatnak a tlun tikah cucu Bawipa tuahmi a si lo maw?

DANIEL 4:35

Vawlei cung i a ummi vialte hna cu zeihmanh ah rel awk tlak an si lo i Van ralkapbu hna cu a duhduh in a tuah hna; Amah cu ahohmanh nih an tlai kho lo i a tuahmi kha zeidah a si tiah ahohmanh nih an hal kho lo.

2 CHANRELNAK 25:16

Sihmanhsehlaw bia a chim lioah cun siangpahrang nih khan a thawh i, “Nangmah cu siangpahrang fimchimtu ah maw kan in ser? Ngol ko! Zeicahdah thah na si lai?” tiah a ti. Cucaah profet nih cun a ngol, sihmanhsehlaw, “Mah hihi na tuah i kan chimhmi na ngaih lo caah, Pathian nih nangmah hrawk awk cu a ruah cang tiah ka hngalh,” tiah a ti.

2 SIANGPAHRANG 10:10

Cucaah Bawipa nih Ahab innchungkhar kong ah a chimmi, Bawipa bia cu, sawhsawh in pakhat hmanh vawlei ah a tla lai lo, ti kha hngal tuah u; zeitintiah Bawipa nih a sal Elijah in a chimmi kha a tuah cang,” tiah a ti.

2 SIANGPAHRANG 9:36

Cun an ra kir i amah kha an chimh tikah, “Mah hihi Bawipa nih a sal Elijah, Tishbemi sinin a chimmi a bia kha a si, ‘Jezreel ram chungah uico nih Jezebel cu a sa an ei lai;

1 SIANGPAHRANG 22:23

Cucaah cun zohhmanh, Bawipa nih hi na profet vialte hna kaa chungah hin nal thlarau a chiah cang; Bawipa nih nangmah kongah ṭhat lonak a chim cang,” tiah a ti.

2 SAMUEL 17:14

Cun Absalom le Israel mi vialte nih cun, “Hushai ruahnak cheuhmi cu Ahithophel ruahnak cheuhmi nakin a ṭha deuh,” tiah an ti. Zeitintiah Bawipa nih Absalom cungah ṭhat lonak a tlunter nakhnga, Bawipa nih Ahithophel cheuhmi ruahnak ṭha cu sunghter awkah a rak ruah cia cang.

LAMKALTU 3:17

“Ka u le ka nau hna, Jesuh cung i nanmah le nan haotu hna nih nan rak tuahmi kha zei a si ti awk nan rak hngalh lo ruangah a si ti kha fiang tein ka hngalh.

SALM 5:10

Maw Pathian, annih cu sual phaw hna law dantat hna, an i timhmi thil ṭhalo cu tlinter hlah. An sualnak a tam ca le nangmah an in doh caah annih cu na hmaika in ṭhawl hna.

1 SAMUEL 15:29

Cun Israel Sunparnak nih khan lih zong a chim lai lo i a ngaih zong aa ngaichih lai lo; zeitintiah i ngaihchih awkah amah cu minung a si ṭung lo,” tiah a ti.

GENESIS 24:50

Laban le Bethuel nih cun, “Hi thil hi Bawipa sinin a rami a si caah kannih nih biakhiahnak hi kan tuah awk a si hnga lo.