1 SIANGPAHRANG 12:14 - Lai (Hakha) Common Language Bible 2006

¹⁴ tlangval pawl nih lungthin an cheuhning khan annih cu a rak ti hna i, “Ka pa nih nan seihnam cu a rak rihter ko, sihmanhsehlaw nan seihnam cu ka rihter chin lai; ka pa nih fungfek in an chimhhrin hna, sihmanhsehlaw kei nih cun tlangngaikuang in kan chimhhrin hna lai,” tiah a ti.

1 SIANGPAHRANG 12:14 Խաչաձեւ Հղումներ

JEIM 3:14

Sihmanhsehlaw nan lung chungin mi nahchuahnak nan ngeih i mi cungah nan thin a hun peng i mah zawn lawng aa ruatmi nan si ahcun, mifim kan si tiin i porhlaw hlah u law, biatak dohnak ah lih kha chim lengmang hlah u.

DANIEL 6:7

“Siangpahrang Darius cu saupi nung ko seh! Hi ram chung vuanzi vialte le kuzale vialte le mangki vialte le vuanthok vialte le tlangpi vialte nih kan i ceih i siangpahrang nih hin nawlbia pakhat in chuah seh law phunglam pakhat in fehter seh law, ahohmanh an si ah, kan hmai ni sawm thum chung i siangpahrang nangmah sinah si loin pathian dang sinah siseh, midang sinah siseh, thla a cammi paoh cu, chiandeih thong ah thlak si hna seh, tiah kan hna a tla.

PHUNGCHIMTU 7:8

Thil donghnak hi a hramthawknak nakin a ṭha deuh; lung a saumi hi aa porhlawmi nakin a ṭha deuh.

PHUNGTHLÛKBIA 17:14

Sik hram i thawk hi ti khamnak a pem hramthawk bantuk khi a si. A kauh chin hlanah ngol ko.

PHUNGTHLÛKBIA 16:18

Porhlawtnak nih hin rawknak ah mi a kalpi tawn i uanthlarnak lungthin nih hin tluknak ah a hruai tawn hna.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

PHUNGTHLÛKBIA 12:5

Miding hna tinhmi cu mi cung i ding tein tuah kha a si, sihmanhsehlaw miṭhalo hna khuakhannak cu hlennak in a khat.

EXODUS 1:14

tlakser rian le tlakrawh rian le rian har phun zakip kha an ṭuanter hna i cuticun rethei ngaingai in an chiah hna. Rian har phun zakip kha rumro in an hnek hna.

EXODUS 1:13

sal hremnak a fakmi chungah khan an khumh hna i

1 SIANGPAHRANG 12:13

Cun siangpahrang nih cun, upa nih fim an chimhnak kha hlaw in mi cu hrang piin a rak leh hna,

PHUNGTHLÛKBIA 29:12

Uktu nih lihbia kha a ngaih ahcun, a kut toi ummi bawi vialte kha miṭhalo an si lai.

PHUNGTHLÛKBIA 5:13

Ka sayate aw kha ka rak ngai lo i a ka cawnpiaktu hna an bia kha zei ah ka rak rel hna lo.