1 SIANGPAHRANG 12:11 - Lai (Hakha) Common Language Bible 2006

¹¹ Cucaah atu cu ka pa nih nan cung i a ritmi seihnam a chiahmi ah khan kan chap chin hna lai. Ka pa nih fungfek in an chimhhrin hna, sihmanhsehlaw kei nih cun tlangngaikuang in kan chimhhrin hna lai, na ti lai,” tiah an ti.

1 SIANGPAHRANG 12:11 Խաչաձեւ Հղումներ

EZEKIEL 2:6

Sihmanhsehlaw mipa, annih cu ṭih hna hlah, an chimmi bia zong kha ṭih hlah, nangmah dohtu le miṭhalo si ko hna hmanh seh law ṭih hna hlah, tlangngaikuang cung i a ṭhumi bantuk si hmanh law, ṭih hna hlah. Ral thawh hmangmi si ko hna hmanh seh law an chimmi siseh, an muisam siseh, ṭih awk zeihmanh a um lo.

JEREMIAH 27:11

Sihmanhsehlaw Babilon siangpahrang hngawngkual tangah a hngawng a chia i amah kha a rianmi miphun paoh cu anmah ram te ah khan ka umter hna lai i an ram cu an thlawh lai i khika ah khua an sa lai,” tiah Bawipa nih ka ti,” a ti.

ISAIAH 58:6

“Ka duhmi rawl ulhnak cu hihi a si: Hremnak cikcin kha chat hna u law dinlonak hngawngkual kha phoih hna u law hremmi kha luatter hna u.

2 CHANRELNAK 16:10

Khi tikah Asa cu hmutu cungah khan a thin a hung i hi kong ah a cungah a thin a hun caah thong chungah hreng a khenh. Cun Asa nih mi cheukhat cungah hi caan ah hin hremnak zong a tuah.

1 SIANGPAHRANG 12:14

tlangval pawl nih lungthin an cheuhning khan annih cu a rak ti hna i, “Ka pa nih nan seihnam cu a rak rihter ko, sihmanhsehlaw nan seihnam cu ka rihter chin lai; ka pa nih fungfek in an chimhhrin hna, sihmanhsehlaw kei nih cun tlangngaikuang in kan chimhhrin hna lai,” tiah a ti.

1 SAMUEL 8:18

Cun khi ni ah nanmahte nih nan i thimmi nan siangpahrang ruangah nannih cu nan ai len te lai; sihmanhsehlaw Bawipa nih khi ni ah cun an let hna lai lo,” tiah a ti.

EXODUS 5:18

Nan rian ah khan kal zokzok u. Capawl zeihmanh an in pe hna lai lo, sihmanhsehlaw cu zat cu nan ser awk a si timi zat ṭhiamṭhiam khan tlakrawh cu nan ser lai,” a ti hna.

1 SIANGPAHRANG 12:10

Cun amah ṭhirual tlangval hna nih khan amah cu, “Na pa nih cun kan seihnam kha a rihter ko, sihmanhsehlaw nang nih cun kan zanterpiak ko,’ tiah na sinah a titu, hi mi hna sinah cun hi bangin na chim lai; hi bangin annih sinah, ‘Ka hngete cu ka pa tai nakin a chah deuh.

1 SIANGPAHRANG 12:12

Cucaah siangpahrang nih, “Ni thumnak ni ah ka sinah ra te u,” tiah a ti bang khan, Jeroboam le mi vialte cu Rehoboam sinah ni thumnak ni ah an ra.

PHUNGCHIMTU 10:16

A siangpahrang a lung fawi tein tei khawh a simi ram cu harnak a phan tawn, A bawile hna zan khuadei in puai ah aa nuammi ram cu harnak a phan ṭheo.