1 SIANGPAHRANG 12:10 - Lai (Hakha) Common Language Bible 2006

¹⁰ Cun amah ṭhirual tlangval hna nih khan amah cu, “Na pa nih cun kan seihnam kha a rihter ko, sihmanhsehlaw nang nih cun kan zanterpiak ko,’ tiah na sinah a titu, hi mi hna sinah cun hi bangin na chim lai; hi bangin annih sinah, ‘Ka hngete cu ka pa tai nakin a chah deuh.

1 SIANGPAHRANG 12:10 Խաչաձեւ Հղումներ

ISAIAH 47:6

Ka mi hna cungah khan ka thin a rak hung i ka mi a si ti lomi bantukin ka rak tuah hna. Annih cu na kut chungah ka chiah hna i an cungah zaangfahnak zeihmanh na ngei lo, an tar pipi hmanh, hrang ngaiin na rak ti hna.

PHUNGTHLÛKBIA 29:23

Mi cu aa porhlawtnak nih tangah a ṭhumh lai, sihmanhsehlaw toi dornak lungthin a ngeimi cu upatnak a hmu lai.

PHUNGTHLÛKBIA 28:25

Hakkauhnak nih cun rem lonak lawng kha a chuahter ko, cucaah Bawipa i bochan cu a ṭha deuh suaumau.

PHUNGTHLÛKBIA 10:14

Mifim nih cun hngalhnak kha an i khon, sihmanhsehlaw mihrut nih bia an chim hluahmah tikah khan rawknak kha a nai.

1 SIANGPAHRANG 12:9

Annih cu a thawh hna i, “ ‘Na pa nih kan cungah a kan khinhmi seihnam rit hi zanter tuah,’ tiah a ka timi hna hi zeitindah ka leh hna lai, zei ruahnak dah nan ka cheuh lai,” tiah a ti.

1 SIANGPAHRANG 12:11

Cucaah atu cu ka pa nih nan cung i a ritmi seihnam a chiahmi ah khan kan chap chin hna lai. Ka pa nih fungfek in an chimhhrin hna, sihmanhsehlaw kei nih cun tlangngaikuang in kan chimhhrin hna lai, na ti lai,” tiah an ti.