1 SIANGPAHRANG 11:36 - Lai (Hakha) Common Language Bible 2006

³⁶ Sihmanhsehlaw ka sal David nih ka min chiahnak caah ka thimmi khua Jerusalem ah ka hmaiah mei inn a ngeih zungzal nakhnga, a fapa cu phun khat cu ka pek lai.

1 SIANGPAHRANG 11:36 Խաչաձեւ Հղումներ

2 SIANGPAHRANG 8:19

Sihmanhsehlaw Judah cu Bawipa nih, a sal David ruangah khan, hrawh a duh lo; amah le a tefa hna cu zungzal in meiinn pek awkah bia a rak kam cang hna.

1 SIANGPAHRANG 15:4

Sihmanhsehlaw David ruangah, Bawipa a Pathian nih Jerusalem khua ah meiinn pakhat a pek, amah hnuah a fapa cu a hun thawhter i Jerusalem kha a fehter;

1 SIANGPAHRANG 11:13

Asinain ram cu a dihlak in ka thlek lai lo, ka sal David le ka thimmi khua Jerusalem ruangah hin hrin khat cu na fapa cu ka pek lai,” tiah a ti.

SALM 132:17

Hika hmun ah hin Siangpahrang David tefa pakhat cu siangpahrang ngan pakhat ah ka ser lai, hika hmun ah hin ka thimmi siangpahrang uknak cu ka hmunhter lai.

2 CHANRELNAK 21:7

Asinain, David sin i biakamnak a sermi ruangah khan le amah le a fapa hna cu zungzal in meiinn kan pek lai tiah bia a kam caah Bawipa nih David innchungkhar kha hrawh a duh lo.

2 SAMUEL 21:17

Sihmanhsehlaw Zeruiah fapa Abishai nih khan amah cu a ra zuanhnawh i Filistin mi kha a tuk i a thah. Khi tikah David cu a mi hna nih khan, “Raltuknak hmun ah kan sinah na kal ti lai lo, Israel mei inn kha na hmih sual hnga,” tiin amah cu chiat an serter.

BIAPHUAN 21:10

Thlarau nih cun a ka tlaih i vancungmi nih khan tlang sangpi pakhat par ah a ka kaipi. Cun Jerusalem, Khua Thiang kha Pathian sinin vancung in a rung ṭum kha a ka hmuhsak.

HEBRU 12:22

Sihmanhsehlaw nannih nih nan phakmi tlang cu Zion Tlang le Pathian nung khualipi van Jerusalem, vanmi a thongthong in an umnak kha a si.

1 SIANGPAHRANG 11:32

(sihmanhsehlaw ka sal David le Israel mi phun vialte chungin ka thimmi khua Jerusalem ruangah hin phun khat hi cu amah nih a co lai),

1 SIANGPAHRANG 9:3

Cun Bawipa nih a thawh i, “Ka hmai i na thlacamnak le na ka nawlnak vialte cu ka theih cang; hi na sakmi inn hi ka thianter cang i zungzal ca in a chungah ka min ka chiah cang; ka mit le ka lung cu khika ah an um camcin lai.

2 SAMUEL 7:29

cucaah atu cu na salpa innchungkhar hi na hmaiah zungzal in a um nakhnga, thluachuahnak ka pekpiak ko sawh; zeitintiah maw Bawipa Pathian, nangmah nih na chim cang i na salpa innchungkhar cu nangmah thluachuahnak in thluachuah pek si zungzal ko seh,” tiah a ti.

2 SAMUEL 7:16

Cun na inn le na pennak cu ka hmaiah a zungzal fek dingin ser a si lai; na bawi ṭhutdan cu zungzal in a hmun lai,’ a ti,” tiah a ti.

2 SAMUEL 22:29

Asi, nangmah cu ka mei inn na si, maw Bawipa, Cun ka Pathian nih ka muihnak kha a ceuter.

1 SIANGPAHRANG 11:37

Cun nangmah cu kan lak lai i na lungthin nih a duhmi vialte cungah uknak na ngei lai i Israel mi cungah siangpahrang na si lai.

1 SIANGPAHRANG 12:17

Sihmanhsehlaw Judah ram khua chung i a ummi Israel mi kha cu, Rehoboam nih a uk hna.

1 SIANGPAHRANG 14:21

Cun Solomon fapa Rehoboam nih khan Judah ram cu a pen. Pen hram aa thawk ah khan Rehoboam cu kum sawm li le kum khat a si i, Bawipa nih Israel mi phun vialte chungin amah min chiahnak caah aa thimmi Jerusalem khua ah khan kum hleisarih a bawi. A nu min cu Naamah a si, Ammon minu a si.

1 SIANGPAHRANG 2:4

Bawipa nih ka sinah keimah kong i, ‘Na fapa hna nih an kalning kha an i ralrin i keimah hmaiah zumhawktlak tein an lung dihlak le an nunnak dihlak in an kal ahcun, Israel mi bawi ṭhutdan cungah a ṭhu dingmi na ṭhing lai lo,’ tiin a chimmi bia kha a fehter lai.

1 SIANGPAHRANG 8:29

zeitintiah nangmah nih, ‘Khika ah ka min a um lai,’ tiin na rak timi, hi inn leiah hin chunzan in na mit na au nakhnga le hi inn lei hoih in na salpa nih thla ka cammi hi na theih nakhnga.

2 CHANRELNAK 12:13

Cucaah Siangpahrang Rehoboam cu Jerusalem ah cun aa fehter i khika in a pen hna. Rehoboam cu bawi hram aa thawk tikah khan kum sawm li le kum khat a si i Jerusalem ah kum hleisarih a bawi, cu khua cu Israel miphun dihlak chungin khika i a min chiah awkah Bawipa nih aa thimmi a si. A nu min cu Naamah a si, amah cu Ammon mi a si.