1 SIANGPAHRANG 10:26 - Lai (Hakha) Common Language Bible 2006

²⁶ Cun Solomon nih rangleng le rang cit thiam kha a pumh hna; rangleng thong khat le za li le, rang cit thiam sang khat le thong hnih a ngeih hna i rangleng chiahnak khua hna le Jerusalem khua i siangpahrang umnak ah khan a chiah hna.

1 SIANGPAHRANG 10:26 Խաչաձեւ Հղումներ

2 CHANRELNAK 9:25

Cun Solomon nih cun rangtum hna le rangleng hna caah ranginn thong li a ngei i rangleng khua hna le Jerusalem i siangpahrang sinah a chiahmi rangcung ralkap sang khat thong hnih a ngeih hna.

1 SIANGPAHRANG 4:26

Solomon nih a rangleng hna hnuktu rangtum hna caah rang inn sang li le rangcung ralkap thong hleihnih a ngeih hna.

1 SIANGPAHRANG 9:19

cun Solomon nih a ngeihmi thil khonnak khua vialte le a rangleng hna ca khua hna le a rangcung ralkap khua hna le Jerusalem, Lebanon le a penmi ram dihlak ah Solomon nih sak a duhmi paoh saknak caah hnekmi rianṭuantu bu a sernak kong cu mah hihi a si.

DEUTERONOMI 17:16

Amah belte amah caah rang kha a tamter chin hna lai lo, a rang tamter awkah mi kha Izipt ram ah a kirter fawn hna lai lo, zeicahtiah Bawipa nih nannih sinah, ‘Khi leiah nan kir hrimhrim ti lai lo,’ tiah a chim cang.

ISAIAH 2:7

An ram cu sui le ngun in a khat i an rumning cu a dongh in dongh a hngal lo. An ram cu rangtum an khat i an rangleng cu rel cawk lo an si.

1 SIANGPAHRANG 5:6

Cucaah Lebanon tlang i sidar thing cu an ka haupiak nakhnga nawl pe hna; cun ka sinum hna nih na sinum hna kha an bawmh hna lai i nangmah nih na khiahning bantukin na sinum hna cu ṭuan man ka pek hna lai; zeitintiah Sidon mi tlukin thing saih a thiammi kan lakah an um lo ti kha na hngalh,” tiah a ti.