1 SIANGPAHRANG 10:25 - Lai (Hakha) Common Language Bible 2006

²⁵ Cun an dihlak khan kum khat ah cu zat cio ah tiin amah cu laksawng, ngun umkheng hna le sui umkheng hna, hnipuan le zihmui le rangtum hna le laa hna kha an rak phorh lengmang.

1 SIANGPAHRANG 10:25 Խաչաձեւ Հղումներ

MATTHAI 2:11

Inn chungah khan an vung lut i ngakchia kha a nu Mary sinah cun an vung hmuh. An khuk an i bil i an biak. Cun an zal chung khan laksawng an i chuah i an pek, cu an laksawng cu sui le frankinsen zihmui le mura zihmui an si.

EZEKIEL 27:14

Beth-togarmah mi hna nih na lungthu hreng chaw caah rangtum le rangpi le laa kha an in tarh.

ISAIAH 66:20

Nan phunhawi vialte hna kha, miphun dang hna sin cun, ka sinah laksawng ah, an rak kirpi hna lai. Jerusalem i ka tlang thiang ah khan rang cung le laa cung le kalauk cung le rangleng in an ratpi hna lai, Israel mi nih Biakinn ah biaknak lei in a thiangmi bawm in rawl kha an ratpi bantukin an ratpi hna lai.

ISAIAH 36:16

Hezekiah cu a bia ngai hlah u. Assiria siangpahrang nih khua kha chuahtak u law ka sinah i pe u, tiah an ti hna.

SALM 72:15

Siangpahrang cu saupi nung ko seh! Arabia ram in sui rak pe hna seh; a zungzal in thlacampiak hna seh; Pathian nih a zungzal in thluachuahnak pe seh.

SALM 72:10

Spain ram siangpahrang le tikulh ram siangpahrang hna nih khan laksawng an rak put lai; Arabia ram siangpahrang le Ethiopia ram siangpahrang hna nih khan laksawng an ra ṭhenh lai.

JOB 42:11

Cun a sinah cun a unau vialte le a farle vialte le hlanlio i amah theihhngalh a rak simi vialte kha an ra i a inn ah cun amah he khan rawl an ei ṭi; cun a cung i Bawipa nih ṭhat lonak a tluntermi vialte ruangah khan annih nih amah cu an hramh i an hnemh; cun tuu pakhat le sui kutdonghrolh pakhat cio an pek.

ESTHER 8:14

Cucaah siangpahrang rian ca i hman tawnmi rang lek mu hna cu i cit in caphortu hna cu khulrang in, siangpahrang nawlbia nih a fial hna bangin an chuak; cun nawlbia kha Susa khuapi chungah khan an thanh.

ESTHER 8:10

An ṭialmi cu Siangpahrang Ahasuerus min in a si i siangpahrang kutdong hrolh in an khenh chih; cun ca hna cu siangpahrang rang an zuatnak hmun in a chuakmi, siangpahrang rian caah hmanmi rang lek mu kha aa citmi caphortu hna nih khan an kalpi hna.

EZRA 2:66

An rangtum cu za sarih sawm thum le paruk an si i an khacer cu za hnih sawm li le panga an si i

2 CHANRELNAK 26:8

Ammon mi hna nih Uzziah cu ngunkhuai an pek i amah cu a ṭhawn ngaingai caah Izipt ramri tiang hmanh in a min a thang.

2 CHANRELNAK 9:24

Cun kumfate in, cu zat in tiin, an laksawng ngun in sermi thilri hna le sui in sermi thilri hna le, puan hna le mura le zihmui le rangtum hna le laa hna kha an rak put cio hna.

2 SIANGPAHRANG 17:4

Sihmanhsehlaw Assiria siangpahrang nih Hoshea chungah khan rawinak lungthin a hmuh; zeitintiah Izipt siangpahrang So sinah khan lamkal a rak thlah hna i Assiria siangpahrang cu kum khat hnu kum khat ngunkhuai a pek tawnmi kha pe loin a um; cucaah Assiria siangpahrang nih thong ah a thlak i thong chungah cun a ṭem.

1 SIANGPAHRANG 18:5

Cun Ahab nih Obadiah cu a thawh i, “Ti chuahnak tihram vialte le hor vialte va ṭol awkah ram chungah i chawk tuah; ram hawi hna kan hei hmuh hnga i rang le laa hna hi kan hei khamh khawh sual ko hna hnga i kan saṭil hna hi sung loin kan hei um ko hnga dah kaw?” tiah a ti.

1 SIANGPAHRANG 10:10

Cun siangpahrang cu sui talen za khat le kul le zihmui tampi le lungvar man sung hna kha a pek; Sheba siangpahrangnu nih Siangpahrang Solomon a pekmi tluk tam hin zihmui a lut ṭhan bal ti lo.

1 SIANGPAHRANG 1:33

Cun siangpahrang nih annih cu, “Nan bawipa sinum hna kha i kalpi hna u law, ka fapa Solomon cu keimah laa cungah khan citter u law, Gihon ah runpi u;

2 SAMUEL 8:10

Hadadezer kha a doh i a tei caah amah cu va biakchawnh awk le va conglawmh awkah David Siangpahrang sinah khan a fapa Joram kha a hei thlah; zeitintiah Hadadezer nih khan Toi kha a rak doh lengmang tawn. Cun Joram nih ngun kheng le sui kheng le dar kheng kha a rak i phorh hna i.

2 SAMUEL 8:2

Cun Moab kha a tei i tahnak hri in a tah hna i vawlei ah a ihter hna; tlang hnih cu thah awkin a tah i tlang khat cu pum tein zuah awkin a tah. Cun Moab mi cu David sal ah an cang i David sinah khan ngunkhuai an thawh.

1 SAMUEL 10:27

Sihmanhsehlaw, mizeiruaramlo a cheu khat nih cun, “Mah pa nih hin zeitindah a kan khamh khawh lai?” tiah an ti. An nihsawh i laksawng zeihmanh an put lo. Sihmanhsehlaw dai tein a um ko.

BIACEIHTU 3:15

Sihmanhsehlaw Israel mi nih Bawipa kha an auh tikah annih cu Bawipa nih cun chuahtu pakhat a serpiak hna, Benjamin phun Gera fapa Ehud, kehtlak kha a si. Israel mi nih amah cu Moab siangpahrang Eglon sinah ngunkhuai an phorhter.

GENESIS 36:24

Zibeon fapa cu Aiah le Anah an si. (Anah hi a pa Zibeon laa ramlak i a khalh lio hna ah, ti lum cerh a hmutu kha a si).

SALM 68:29

Siangpahrang nih laksawng an in putnak Jerusalem khua chung i na biakinn khan langhter ko.

1 SIANGPAHRANG 5:1

Tair siangpahrang Hiram nih Solomon cu a pa hmun ah siangpahrang ah an ser cang ti kha a theih tikah, a sinah sinum kha a hei thlah hna; zeitintiah Hiram nih David cu a rak dawt zungzal.