1 SIANGPAHRANG 1:50 - Lai (Hakha) Common Language Bible 2006

⁵⁰ Cun Adonijah nih Solomon kha a ṭih i cucaah a tho i a kal i biakṭheng ki kha aa tlaih hna.

1 SIANGPAHRANG 1:50 Խաչաձեւ Հղումներ

1 SIANGPAHRANG 2:28

Cu thawng cu Joab sin a phak tikah — zeitintiah Joab nih khan Absalom cu a rak bawm lo nain, Adonijah kha cu a rak bawmh — Joab cu Bawipa thlam ah khan a va tli i biakṭheng ki kha a vaa tlaih hna.

SALM 118:27

Bawipa cu Pathian a si; kan cungah a ṭha. Nan kut in thing nge kha i put in puai cu thawk u law biakṭheng kha vel u.

EXODUS 38:2

A kil pali ah khan ki pali a bunh hna i cu ki pali hna cu a pum he khan an i peh dih. A dihlak in dar in a tuam.

EXODUS 27:2

A kil pali ah khan a fong na ser hna lai. Biakṭheng he khan an i peh dih lai i an ningpi cun dar in na tuam hna lai.

EXODUS 21:14

Sihmanhsehlaw mi pakhatkhat cu a thin a hun i timh ciammam tein midang pakhat a thah a si ahcun, ka biakṭheng hmanh khan nan hnuh lai i amah cu thah a si lai.

EXODUS 30:10

Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

1 SIANGPAHRANG 1:49

Khi tikah Adonijah nih a sawmmi vialte hna cu an ther i an tho i anmah le an lam cio ah khan an kal.

1 SIANGPAHRANG 1:51

Cun Solomon cu an chimh i, “Zohhmanh, Adonijah nih Solomon Siangpahrang kha a ṭih; zeitintiah, zohhmanh, biakṭheng ki kha aa tlaih hna i, ‘Solomon Siangpahrang nih a salpa hi vainam in ka that lai lo,’ tiin ka sinah chiat ser hmasa seh, a ti,” tiah an ti.

EZEKIEL 43:15

Biakṭheng tappi cu dong li a sang i dong khat cio a sangmi ki nih khan an doh.